په‌یامی پیرۆزبایی به‌ڕێز مسته‌فا هیجری، بۆ به‌ڕێز فڕانسوا هۆلاند، سه‌رکۆماری فه‌ڕانسه

زایینی: ٢٣-٠٥-٢٠١٢ - هەتاوی: ١٣٩١/٠٣/٠٣ - ١٤:٢١ تاران
په‌یامی پیرۆزبایی به‌ڕێز مسته‌فا هیجری، بۆ به‌ڕێز فڕانسوا هۆلاند، سه‌رکۆماری فه‌ڕانسه
کوردستان میدیا: به‌ڕیز مسته‌فا هیجری سکرتیری گشتیی حیزبی دێمۆکرات، په‌یامێکی پیرۆزباییان ئاراسته‌ی سه‌رکۆماری تازه‌ هه‌ڵبژێردراوی فه‌ڕانسه کرد.


به بۆنه‌ی هه‌ڵبژاردنی به‌ڕێز فرانسوا هۆلاند بۆ سه‌رکۆماری فه‌رانسه‌

به‌ڕێز فرانسوا هۆلاند!

سه‌رکۆماری کۆماری فه‌رانسه!

به‌ڕێز سه‌رکۆمار!


سه‌ربه‌رزم که‌ به‌ ناوی حیزبی دێمۆکراتی کوردستانی ئێرانه‌وه‌، به‌ بۆنه‌ی هه‌ڵبژاردنی به‌ڕێزتان بۆ سه‌رکۆماریی فه‌رانسه‌، له‌ ناخی دڵه‌وه‌ پیرۆزباییتان پێ بڵێم و له‌پێناو وه‌دیهاتنی ئامانجه‌ به‌رزه‌کانتان بۆ خزمه‌ت به‌ پێشکه‌وتن و دادپه‌روه‌ریی زۆرتر له‌ وڵاته‌که‌تاندا، ئاواتی سه‌رکه‌وتنتان بۆ بخوازم.


به‌ڕێز سه‌رکۆمار، به‌و تێگه‌یشتن و ناسینه‌ی که‌ من له‌ ئۆگر بوونی قووڵی سوسیالیسته‌کان به‌ به‌هاکانی ئاشتی، ئازادی، دێمۆکراسی و دادپه‌روه‌ری هه‌مه‌، گومانم نییه‌ که‌ هه‌ڵبژاردنی به‌ڕێزتان به‌ سه‌رکۆماریی فه‌رانسه‌ ده‌ورێکی ئه‌رێنیی له‌ گه‌شه‌ی ئه‌م به‌ها به‌رزانه‌ له‌م ناوچه‌یه‌دا ده‌بێت که‌ ئێمه‌ تێیدا ده‌ژین، ئه‌و به‌هایانه‌ی که‌ ئێمه‌ له‌پێناو وه‌دیهێنانیاندا، خه‌باتێکی دژوار و پڕ نرخی بۆ ده‌که‌ین.


به‌م بۆنه‌یه‌وه‌، پیرۆزبایی دۆستانه‌ی ئێمه‌ قه‌بووڵ بفه‌رموون.


مسته‌فا هیجری

سکرتێری گشتیی حیزبی دێمۆکراتی کوردستانی ئێران

کوردستان، ٠٩/٠٥/٢٠١٢ی زایینی