دوو کتێبی کوردی لەشنۆ، پەردەیان لەسەر لادرا

زایینی: ٢٠-٠٩-٢٠١٥ - هەتاوی: ١٣٩٤/٠٦/٢٩ - ١٢:١١ تاران
دوو کتێبی کوردی لەشنۆ، پەردەیان لەسەر لادرا
کوردستان میدیا: دوو کتێبی کوردی بە ناوەکانی "سارێژ" و "فێرکاریی زمانی کوردی"، لەرێوڕەسمێکدا لەشاری شنۆ، پەردەیان لەسەر لادرا.

بەپێی هەواڵی ماڵپەڕی کوردستان میدیا، رۆژی ‌شەممە رێکەوتی ٢٨ی خەرمانانی ١٣٩٤ی هەتاوی، دوو کتێبی کوردی بە بەشداری ژمارەیەک لە مامۆستایانی زانکۆ، نووسەران و فەرهەنگیان لەشاری شنۆ، پەردەیان لەسەر لادرا.

12176.jpg

کتێبی فێرکاریی زمانی کوردی شێوەی خوێندن و نووسینی زمانی کوردی لەخۆوە گرتووە کە بە زمانێکی ساکار بۆ قۆناغی سەرەتایی خوێندن نووسراوە.

هەروەها کتێبی ساڕێژ کۆمەڵە شێعری "عەلیڕەزا محەممەدنژاد" مامۆستای زانکۆیە کە لەو رێوڕەسمەدا پەرەدەی لەسەر لادرا.