پەرتووکی "کۆمەڵگای عێلاتی کوردەکانی خەڵخاڵ" چاپ و بڵاو کرایەوە

زایینی: ٠٨-١١-٢٠١٥ - هەتاوی: ١٣٩٤/٠٨/١٧ - ١٨:٠٣ تاران
پەرتووکی
کوردستان میدیا: پەرتووکێکی تایبەت بە کوردە کۆچێندراوەکانی خەڵخاڵ لەلایەن دەزگای چاپەمەنیی "نخبگان"ەوە چاپ و بڵاو کرایەوە.

بەپێی ڕاپۆرتی گەیشتوو بە ماڵپەڕی کوردستان میدیا، پەرتووکی " کۆمەڵگای عێلاتی کوردەکانی خەڵخاڵ(کورمانج)" لە نووسینی "سەمەد حەسەن‏زادە" بە زمانی فارسی چاپ و خراوەتە بەر دیدی خوێنەران.

ئەو پەرتووکە پڕژاوەتە سەر بەزۆر کۆچدانی کوردانی ورمێ، خۆی و سەڵماس بۆ ناوچەی خەڵخاڵی پارێزگای ئەردەبیل کە لە ڕۆژئاوای دەریای خەزەر هەڵکەوتووە.

نووسەری پەرتووکەکە دەڵێ "مەبەستی سەرەکیی ئەم پەرتووکە کە وەکوو یەکەمین بەرهەمی سەربەخۆ لەسەر بابەتە مێژوویی و کۆمەڵایەتیەکانی کوردەکانی خەڵخاڵ بڵاوکراوەتەوە، باس کردن لە چۆنێەتی ژیانی ماددی و مەعنەوەیی خێڵە کوردەکانی ناوچەکەیە.

ناوبراو وتوویە کە، لەو پەرتووکەدا، تایبەتمەندییە نەتەوەیی، کۆمەڵایەتی، فەرهەنگی و ئابوورییەکان لە دوو بازنەی زەمەنیی ڕابردوو و ئێستادا خراوەتە بەر توێژینەوە و لەماوەی توێژینەوەکەدا بەردەوام هەوڵ دراوە هەتا لەمەڕ بووژانەوەی فەرهەنگ و زمانی کوردیی ناوچەکە(کورمانجی) هەوڵێکی شیاو بدرێت.