پەیامی پیرۆزبایی مستەفا هیجری بە بۆنەی هەڵبژاردنی ڕەفیق کاراکۆچ وەک سەرۆکی هاکپار

زایینی: ٢٨-٠٤-٢٠١٦ - هەتاوی: ١٣٩٥/٠٢/٠٩ - ١٢:٠٥ تاران
پەیامی پیرۆزبایی مستەفا هیجری بە بۆنەی هەڵبژاردنی ڕەفیق کاراکۆچ وەک سەرۆکی هاکپار
کوردستان میدیا: مستەفا هیجری، سکرتێری گشتیی حیزبی دێموکراتی کوردستانی ئێران، لە پەیامێکدا پیرۆزبایی هەڵبژاردنی "ڕەفیق کاراکۆچ"ـی وەک سەرۆکی نوێی هاکپار (HAK-PAR) لە ئەندامانی ئەم حیزبە کرد.

دەقی پەیامەکە:

بەڕێز رەفیق کاراکۆچ ( Refik Karakoç)

سەرۆکی پارتی ماف و ئازادی هاکپار(HAK-PAR)


ئاگادارکراین کە لە کۆنگرەی نائاسایی پارتی ماف و ئازادی کە لە مانگی ئاپریلدا لە ئانکارا بەڕێوەچوو، بەڕێزتان وەک سەرۆکی پارتی هاکپار هەڵبژێردران.

ئێمە بەو بۆنەوە پیرۆزبایی خۆمانتان ئاراستە دەکەین و هیوادارین بە تێکۆشانی بەڕێزتان و هاوکاری هەموو ئەندامانی ڕێبەرایەتی حیزبەکەتان، دۆزی کورد لە باکووری کوردستان ڕۆژبەڕۆژ بەرەوپێشچوونی زیاتر بە خۆیەوە ببینێ و پێوەندی و دۆستایەتی نێوان حیزبی دێموکراتی کوردستانی ئێران و پارتی ماف و ئازادی بەردەوام بێ.

حیزبی دێموکراتی کوردستانی ئێران
سکرتێری گشتی
مستەفا هیجری

٧ی بانەمەڕی ١٣٩٥ی هەتاوی
٢٦ی ئاوریلی ٢٠١٦ی زایینی