ساڵڕۆژی کۆماری کوردستان لە سەقز بەرز ڕاگیرا

زایینی: ١٥-٠١-٢٠١٧ - هەتاوی: ١٣٩٥/١٠/٢٦ - ١٧:٣٠ تاران
ساڵڕۆژی کۆماری کوردستان لە سەقز بەرز ڕاگیرا
کوردستان میدیا: لە بەرەبەری ساڵڕۆژی کۆماری کوردستاندا، لە شاری سەقز چالاکیی بەرینی تەبلیغی بەڕێوەچوو.

بەپێی هەواڵی گەیشتوو بە ماڵپەڕی کوردستان میدیا، تێکۆشەرانی دێموکرات لە شاری سەقز، بۆ جارێکی دیکە ساڵڕۆژی دامەزراندنی کۆماری کوردستانیان لە ڕۆژی ٢ی ڕێبەندان‌دا، بەرز ڕاگرت و چالاکیی تەبلیغییان بەڕێوە برد.

ئەندامان و لایەنگرانی حیزبی دێموکرات لە شاری سەقز له گەڕەکەکانی تەپەی گۆڕه‌ جوولەکه، جووتیاران، بلواری تەربیەت، قەوخ، شەهرەکی دانشگا، پاڕکی گوڵان، فەلەکەی مادەر و سێ‌ڕێیانی بەردبڕان، تراکت و وێنەی تایبەت بەو ڕۆژە مێژووییەیان بڵاو کردەوە.