باوکی شەهیدێکی حیزبی دێموکرات کۆچی‌ دوایی کرد

زایینی: ١٨-٠٩-٢٠١٧ - هەتاوی: ١٣٩٦/٠٦/٢٧ - ١٢:٥٩ تاران
باوکی شەهیدێکی حیزبی دێموکرات کۆچی‌ دوایی کرد
کوردستان میدیا: مام "حەسەن پەریزەن" باوکی شەهیدێکی حیزبی دێموکراتی کوردستانی ئیران لە شاری مەهاباد ماڵئاوایی لە ژیان کرد.

بەپێی هەواڵی گەیشتوو بە ماڵپەڕی کوردستان میدیا، چەند ڕۆژ پێش ئێستا مام "حەسەن پەریزەن" لە تەمەنی۷۰ساڵیدا، لە نەخۆشخانەی ورمێ بە هۆی نەخۆشی کۆچی دوایی کرد.

ناوبراو باوکی شەهید "بایزید پەریزەن" بوو کە لە ساڵی ١٣٧٣ی هەتاوی بە دیلی دەکەوێتە دەستی هێزەکانی ڕێژیم و ساڵی ١٣٧٥ی هەتاوی ئێعدام کرا.

حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری ناوبراو دەکات و خۆی بە شەریکی خەمیان دەزانێت.