حیزبی دێموکرات و پارتی دێموکرات کۆ بوونەوە

زایینی: ١٨-٠٩-٢٠١٧ - هەتاوی: ١٣٩٦/٠٦/٢٧ - ١٤:١٥ تاران
حیزبی دێموکرات و پارتی دێموکرات کۆ بوونەوە
کوردستان میدیا: شاندێکی پارتی دێموکراتی کوردستان سەردانی حیزبی دێموکراتی کوردستانی ئێرانیان لە بنکەی دەفتەری سیاسیی کرد.

پێشنیوەرۆی‌ڕۆژی شەممە ڕێکەوتی ۲٥ی خەرمانانی ۱۳۹٦ی هەتاوی شاندێکی پارتی دێموکراتی کوردستانی بە سەرپەرەستی "هیوا ئەحمەد مستەفا" ئەندامی سەرکردایەتی و بەرپرسی لقی ۲٤ی سەفین سەردانی حیزبی دیمۆکراتیان کرد و لە لایەن شاندێکی حیزبی دێموکرات بە سەرپەرەستی "محەممەد نەزیف قادری" ئەندامی دەفتەری سیاسیی حیزبی دێموکرات پێشوازییان لێ کرا.

لەو دیدارەدا دوایین ئاڵوگۆڕەکانی ناوچە و پرسی کورد لە هەر یەک لە بەشەکانی کوردستان و بە تایبەت پرۆسەی ڕێفراندۆمی سەربەخۆیی کوردستانی باشوور باسی لە سەر کرا.

له کۆتایی ئەو سەردانەدا دوو لایەن لە سەر پێوەندییەکانیان جەختیان کردەوە.