ساڵڕۆژی شەهیدانی بێرلین زیندوو ڕادەگیرێت

زایینی: ٢١-٠٩-٢٠١٧ - هەتاوی: ١٣٩٦/٠٦/٣٠ - ١٢:٥٦ تاران
ساڵڕۆژی شەهیدانی بێرلین زیندوو ڕادەگیرێت
کوردستان میدیا: تێکۆشەرانی دێموکرات بە بەڕێوەبردنی چالاکیی تەبلیغی پەیمان لەگەڵ شەهیدانی میکۆنۆس نوێ دەکەنەوە.

بەپێی هەواڵی گەیشتوو به ماڵپەڕی کوردستان میدیا، قارەمانانی دێموکرات لە شار و گوندەکانی کوردستان، بە بۆنەی ساڵڕۆژی شەهیدانی میکۆنۆس بە دەستی دیپلۆمات تێرۆریستەکانی ڕێژیمی ئێران بە بەڕێوەبردنی چالاکیی تەبلیغی، پەیمان لەگەڵ ڕێبازی شەهیدان نوێ دەکەنەوە.

لەو پێوەندییەدا، ئەندامان و لایەنگرانی حیزبی دێموکرات، کاتژمێر ٣ی شەو، لە مزگەوتی "نوور"ـی پیرانشار سروودی "بژی حیزبی دێموکرات ودوکتور سەعید نامری"ـیان لەسەر بڵندگۆ بڵاو کردبووە.

هەر لەو پێوەندییەدا قارەمانانی دێموکرات لە شاری بانە لە گوندەکانی "بەردەڕەش،دۆڵەرزن،بێکەژ،هەورازە،هەڵۆوپەڕشە،کۆخان،نەمەشیر،سپیدارێ،پیاوێن،دۆڵینجنێ،زێویەو چەند گوندێکی دیکە بە بۆنەی ٢٦ی خەرمانان چالاکیی تەبلیغییان بەڕێوە برد.