کۆچی دوایی ئەندامێکی دێرینی حیزبی دێموکرات

زایینی: ٠١-١١-٢٠١٧ - هەتاوی: ١٣٩٦/٠٨/١٠ - ١٢:١٤ تاران
کۆچی دوایی ئەندامێکی دێرینی حیزبی دێموکرات
کوردستان میدیا: ئەندامێکی دێرینی حیزبی دێموکراتی کوردستانی ئێران، لە شاری مەهاباد ماڵئاوایی لە ژیان کرد.

بەپێی هەواڵی گەیشتوو بە ماڵپەڕی کوردستان میدیا، ڕۆژی هەینی ٥ی خەزەڵوەری ١٣٩٦ی هەتاوی کاک "حوسێن بایزیدی ئازەر" خەڵکی شاری مەهاباد بە هۆی پیری کۆچی دوایی کرد.

ناوبراو کەسێکی خۆشناو و جێگای متمانەی خەڵکی ناوچەکە بوو و تا دوایین ساتەکانی ژیانی وەفادار بە ڕێبازی حیزبی دێموکرات مایەوە.

تەرمی ناوبراو لە نێو ئاپۆرای خەڵکی ناوچەکەدا بە خاک ئەسپێردرا.

حیزبی دێموکراتی کوردستانی ئێران، سەرەخۆشی لە بنەماڵە، خزم و کەسوکاری ناوبراو دەکات و خۆی بە شەریکی خەمیان دەزانێت.