په‌یامی سکرتێری گشتیی حیزبی دێمۆکرات، بۆ سه‌رۆکی تازه‌ هه‌ڵبژێردراوی حیزبی سوسیالیستی گه‌لی دانمارک

زایینی: ١٧-١٠-٢٠١٢ - هەتاوی: ١٣٩١/٠٧/٢٦ - ١٠:٢٨ تاران
په‌یامی سکرتێری گشتیی حیزبی دێمۆکرات، بۆ سه‌رۆکی تازه‌ هه‌ڵبژێردراوی حیزبی سوسیالیستی گه‌لی دانمارک
کوردستان میدیا: به‌ڕێز مسته‌فا هیجری له‌و په‌یامه‌دا رایگه‌یاندووه، هیواخوازین سه‌رۆکایه‌تیی به‌ڕێزتان یارمه‌تیده‌ر بێ‌ بۆ پته‌وتر کردنی پێوه‌ندیی دۆستانه‌ی حیزبی دێمۆکراتی کوردستانی ئێران ‌و حیزبی سۆسیالیستی گه‌لی دانمارک.


ده‌قی په‌یامه‌که‌ به‌م چه‌شنه‌یه:


به‌ڕێز: خانمی Annette vilhemsen


ئاگادار بووین که‌ به‌ڕێزتان له‌ دوایین هه‌ڵبژاردنی حیزبه‌که‌تاندا، حیزبی سوسیالیستی گه‌لی دانمارک (SF)، وه‌ک سه‌رۆکی حیزب هه‌ڵبژێردران.


ئێمه‌ ئاگاداری هه‌ڵوێسته‌ دۆستانه‌کانی حیزبی ئێوه‌ ده‌رحه‌ق به‌ پرسی کورد وه‌ک نه‌ته‌وه‌یه‌کی ماف پێشێلکراو له‌ رۆژهه‌ڵاتی ناوه‌ڕاست ‌و پێوه‌ندی نێزیکتان له‌گه‌ڵ حیزبی دێمۆکراتی کوردستانی ئێران هه‌ین. له‌و پێوه‌ندییه‌دا پیرۆزبایی خۆمانتان پێشکه‌ش ده‌که‌ین ‌و هیواخوازین سه‌رۆکایه‌تیی به‌ڕێزتان یارمه‌تیده‌ر بێ‌ بۆ پته‌وتر کردنی پێوه‌ندیی دۆستانه‌ی حیزبی دێمۆکراتی کوردستانی ئێران ‌و حیزبی سوسیالیستی گه‌لی دانمارک ‌و له‌ سایه‌ی سه‌رۆکایه‌تیی به‌ڕێزتاندا حیزبه‌که‌تان زیاتر گه‌شه‌ بکات.


حیزبی دێمۆکراتی کوردستانی ئێران
سکرتێری گشتی
مسته‌فا هیجری
١٤ی ئوکتوبری ٢٠١٢