سه‌ردانی دوو هه‌یئه‌تی حدک ئێران و پارتی سوسیالیستی کوردستان، له‌ پارتی دێموکراتی پێشکه‌وتنخوازی کوردی سووریه‌

زایینی: ٠٥-٠٣-٢٠١٢ - هەتاوی: ١٣٩٠/١٢/١٥ - ٢١:٠١ تاران
سه‌ردانی دوو هه‌یئه‌تی حدک ئێران و پارتی سوسیالیستی کوردستان، له‌ پارتی دێموکراتی پێشکه‌وتنخوازی کوردی سووریه‌
ک/مـــــــــیدیا: دوو هه‌یئه‌تی حیزبی دێموکراتی کوردستانی ئێران و پارتی سوسیالیستی کوردستان، سه‌ردانی پارتی دێموکراتی پێشکه‌وتنخوازی سووریه‌یان له‌ شاری سلێمانی کرد.


به‌پێی هه‌واڵی ماڵپه‌ڕی کوردستان میدیا، رێکه‌وتی 10ی ره‌شه‌مه‌ی 1390ی هه‌تاوی، هه‌یئه‌تێکی حیزبی دێموکراتی کوردستان به‌ سه‌رپه‌رستیی به‌ڕێز "حه‌سه‌ن شه‌ره‌فی" جێگری سکرتێری گشتی حدک ئێران ، هاوڕێ له‌گه‌ڵ هه‌یئه‌تێکی پارتی سوسیالیستیی کوردستان‌ به‌ سه‌رپه‌رستیی به‌ڕێز "مه‌سعوود ته‌ک" سکرتیری ئه‌و پارته‌، سه‌ردانی پارتی دێموکراتی پێشکه‌وتنخوازی کوردی سووریه‌یان کرد و له‌لایه‌ن هه‌یئه‌تێک به‌ سه‌رپه‌رستیی به‌ڕێز "حه‌مید ده‌رویش" به‌ گه‌رمی پێشوازییان لێكرا.


له‌و دیداره‌دا هه‌ر سێ لایه‌ن له‌سه‌ر رووداوه‌کانی ناوچه‌، کوردستان به‌گشتی و کوردستانی سووریه‌ به‌تایبه‌تی، بارودۆخی ئێستای کورد له‌ سووریه و ... هتد‌ ئاڵوگۆڕی بیراورایان کرد و له‌سه‌ر هاوکاری و دۆستایه‌تیی زێده‌تر پێداگرییان کرده‌وه.

12.jpg 11.jpg 13.jpg 14.jpg