سێ‌ حیزب‌و رێكخراوی‌تر بوونه‌ ئه‌ندامی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵ‌

11-2-1386

كوردستان میدیا: كۆنگره‌ی‌ نه‌ته‌وه‌كانی‌ ئێرانی‌ فێدراڵ‌ له‌ راگه‌یه‌ندراوێك دا رایگه‌یاند كه‌ له‌ دانیشتنی‌ رۆژی‌ 28/4/2007 (8/2/1386) له‌ شاری‌ له‌نده‌ن، داخوازیی‌ حیزبی‌ یه‌كیه‌تیی‌ به‌ختیاریی‌ لۆڕستان، بزاڤی‌ نه‌ته‌وه‌یی‌ توركمه‌نستانی‌ ئێران‌و بزاڤی‌ نه‌ته‌وه‌یی‌ دێموكراتیكی‌

توركمه‌ن بۆ بوونه‌ ئه‌ندام له‌م كۆنگره‌یه‌دا به‌ تێكڕای‌ ده‌نگه‌كان په‌سندكرا.
له‌و دانیشتنه‌دا هه‌روه‌ها چالاكیییه‌كانی‌ كۆنگره‌ له‌ ماوه‌ی‌ سێ‌ مانگ له‌مه‌وبه‌ردا تاوتوێ‌ كران‌و ئاماژه‌ به‌ خاڵه‌ لاواز‌و به‌هێزه‌كان كراو به‌رنامه‌ی‌ كاری‌ كومیته‌كانی‌ كۆنگره‌ بۆ داهاتوو دارێژرا.