روونكردنه‌وه‌ی‌ خه‌به‌رێكی چه‌واشه‌كارانه‌ی ماڵپه‌ڕی بۆ رۆژهه‌ڵات

20-04-1386

رێكه‌وتی‌ 5/7/2007 ماڵپه‌ڕی‌ (بۆ رۆژههڵات) له‌ زمانی‌ (سه‌رچاوه‌یه‌كی‌ باوه‌ڕ پێكراو له‌ حیزبی‌ دێموكرات) (مه‌به‌ست جه‌ماعه‌تی‌ مه‌لا حه‌سه‌ن ڕه‌ستگار)، باس له‌ یارمه‌تیی‌ ماڵیی‌ یه‌كیه‌تیی نیشتمانی‌ و پارتی‌ به‌ حیزبی‌ دێموكراتی‌ كوردستانی‌ ئێران و جه‌ماعه‌تی‌ مه‌لا حه‌سه‌ن ڕه‌ستگار و

 هه‌روه‌ها وه‌زعی‌ یه‌كیه‌تیی لاوانی‌ دێموكراتی‌ كوردستانی‌ ئێران له‌ وڵاتی‌ سوئێد ده‌كا.

یه‌كیه‌تیی لاوانی‌ دێموكراتی‌ كوردستانی‌ ئێران له‌ سوئێد ئه‌و هه‌واڵه‌ی‌ سه‌باره‌ت به‌ خۆیان وه‌درۆخستۆته‌وه‌و له‌و پێوه‌ندییه‌دا ڕوون كردنه‌وه‌یه‌كیان بڵاو كردۆته‌وه‌.*
له‌ چۆنیه‌تیی‌ یارمه‌تیی‌ یه‌كیه‌تیی نیشتمانی‌ و پارتی‌ سه‌باره‌ت به‌و جه‌ماعه‌ته‌ ئێمه‌ ئاگادار نین، به‌‌ڵام ئه‌و به‌شه‌ی‌ له‌ خه‌به‌ره‌كه‌ كه‌ پێوه‌ندیی‌ به‌ وه‌رگرتنی‌ یارمه‌تیی‌ حیزبی‌ دێموكراتی‌ كوردستانی‌ ئێرانه‌وه‌ هه‌یه‌ دوور له‌ ڕاستییه‌و هیچ بنه‌مایه‌كی‌ نیه‌.

حیزبی‌ دێموكراتی‌ كوردستانی‌ ئێران
سكرتاریا
18/4/1386ی‌ هه‌تاوی‌
9/7/2007ی‌ زایینی‌