روونكردنه‌وه‌یه‌ك له‌ ده‌فته‌ری‌ نوێنه‌رایه‌تیی‌ حیزبی‌ دێموكراتی‌ كوردستانی‌ ئێران له‌ ده‌ره‌وه‌ی‌ وڵات

20-04-1386

له‌م دواییانه‌دا زانیمان كه‌س یان كه‌سانێك به‌ مه‌به‌ستی‌ ئاژاوه‌گێڕی‌، به‌ناوی‌ كه‌سانێك له‌ حیزبی‌ دێموكراتی‌ كوردستانی‌ ئێرانه‌وه‌ به‌ ناونیشانی‌ خه‌ڵكی‌ دیكه‌ ئیمه‌یل ره‌وانه‌ده‌كه‌ن یان له‌ ماڵپه‌ڕی‌ دیكه‌ بۆ وێنه‌ سایتی‌ "ئینسانیه‌ت" به‌ناوی‌ ئه‌ندامانی‌ حیزبه‌وه‌ ناوو ئیمزا ده‌ده‌ن له‌ هه‌مان كاتدا

 قسه‌ی‌ ناشیرین‌و ناشایست ده‌نووسن، بۆ ئه‌وه‌ی‌ كه‌سایه‌تیی‌ ئه‌ندامانی‌ حیزبی‌ خه‌وشه‌دار بكه‌ن.

هه‌رچه‌ند هه‌موولایه‌ك له‌گه‌ڵ‌ شێوه‌ی‌ هه‌ڵسوكه‌وتی‌ ئه‌ندامانی‌ حیزب‌و رێزدانانیان بۆ خه‌ڵكانی‌ دیكه‌ ئاشنان‌و ئه‌م جۆه‌ كاره‌ ناجایزانه‌ ناتوانن شوێن له‌سه‌ر ناسیاویی‌ خه‌ڵك له‌سه‌ر ئه‌ندامانی‌ حیزبی‌ دابنێن، به‌و حاڵه‌ش به‌ پێویستی‌ ده‌زانین هه‌موو لایه‌ك ئاگادار بكه‌ین‌و ئه‌مجۆره‌ ره‌فتاره‌ نادروسته‌ مه‌حكووم بكه‌ین.

ده‌فته‌ری‌ نوێنه‌رایه‌تیی‌ حیزبی‌ دێموكراتی‌ كوردستانی‌ ئێران له‌ ده‌ره‌وه‌ی‌ وڵات
9/7/2007
169/4/1386