راگه‌یه‌ندراوی‌ كۆتایی‌هاتنی‌ دانیشتنی‌ ده‌وره‌یی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵ‌

14-07-1386

هاونیشتمانانی‌ خه‌باتگێڕ
له‌ رێكه‌وتی‌ 29/9/2007دا كۆبوونه‌وه‌ی‌ ده‌وره‌یی‌ كۆنگره‌ی‌ نه‌ته‌وه‌كانی‌ ئێرانی‌ فێدراڵ‌ به‌ به‌شداریی‌ زۆربه‌ی‌ ئه‌ندامان له‌ له‌نده‌ن به‌ڕێوه‌چوو.
له‌ سه‌ره‌تادا كومیته‌ كارییه‌كانی‌ كۆنگره‌، راپۆرتی‌ كاری‌ چه‌ندمانگی‌ رابردوویان خوێنده‌وه‌و خستیانه‌ به‌رباس‌و وتووێژه‌وه‌‌و جه‌ختیان له‌سه‌ر خاڵه‌ به‌ هێز‌و لاوازه‌كانی‌ كومیته‌كان كرد.

 له‌م پێوه‌ندییه‌دا بۆ باشكردنی‌ كاره‌كان، "مصوب"ه‌ گه‌لێك له‌لایه‌ن ئه‌ندامانه‌وه‌ په‌سندكران.
له‌ به‌شێكی‌ دیكه‌ی‌ كۆبوونه‌وه‌كه‌دا، باس له‌سه‌ر ره‌وشی‌ سیاسیی‌ ئێران، به‌ تایبه‌ت كرده‌وه‌ی‌ سه‌ركوتكارانه‌ی‌ كۆماری‌ ئیسلامیی‌ ئێران له‌ پێوه‌ندی‌ له‌گه‌ڵ‌ ئێعدامه‌كانی‌ چه‌ند مانگی‌ رابردوودا، ده‌ستبه‌سه‌ركردنی‌ رۆژنامه‌ڤانان‌و گوشاری‌ جۆراوجۆر له‌سه‌ر نه‌ته‌وه‌كانی‌ ئێران‌و هه‌روه‌ها سیاسه‌ته‌ تێرۆریستییه‌كانی‌ رێژیم له‌ ناوچه‌‌و جیهان دا‌و، له‌لایه‌كی‌ دیكه‌وه‌ ملنه‌دانی‌ رێژیم به‌ داخوازییه‌كانی‌ كۆمه‌ڵگای‌ جیهانی‌ له‌مه‌ڕ پێشێلكردنی‌ له‌ راده‌به‌ده‌ری‌ مافه‌كانی‌ مرۆڤـ‌و هه‌روه‌ها كێشه‌ی‌ ئه‌تۆمی‌ كرا.
جارێكی‌ دیكه‌ ئه‌ندامانی‌ به‌شدار له‌ كۆنگره‌دا جه‌ختیان له‌سه‌ر درێژه‌دان به‌ خه‌بات له‌ سه‌رجه‌م بواره‌ سیاسی‌‌و دیپلۆماسییه‌كان دا كرده‌وه‌.

كۆنگره‌ی‌ نه‌ته‌وه‌كانی‌ ئێرانی‌ فێدراڵ‌
29ی‌ سێپتامبری‌ 2007