په‌یامی‌ سه‌رخۆشیی‌ ده‌فته‌ری‌ سیاسیی‌ حیزب به‌بۆنه‌ی‌ كۆچی‌ دوایی‌ پرۆفیسۆر ئوردیخانی‌ جه‌لیل

03-08-1386

ئاگاداربووین كه‌ به‌داخه‌وه‌ پرۆفیسۆر "ئوردیخانی‌ جه‌لیل" یه‌كێك له‌ گه‌وره‌ كه‌سایه‌تییه‌ زانستییه‌كانی‌ كورد، رۆژی‌ 21/10/2007 له‌ ته‌مه‌نی‌ 75 ساڵیدا له‌ شاری‌ لینینگرادی‌ رووسیه‌ كۆچی‌ دوایی‌ كرد‌و، ته‌رمه‌كه‌ی‌ رۆژی‌ چوارشه‌ممه‌ 24/10/2007 له‌ رێوڕه‌سمێكدا هه‌ر له‌و شاره‌ به‌خاك سپێردرا.

نیزیك به‌ 60 به‌رهه‌می‌ ناوبراو به‌ كوردی‌ بڵاوبوونه‌ته‌وه‌ كه‌ به‌ زمانه‌كانی‌ توركی‌، سوئێدی‌، فه‌ڕانسه‌وی‌، ئاڵمانی‌‌و رووسی‌ وه‌رگێڕدراونه‌ته‌وه‌. بێجگه‌ له‌وه‌ كۆمه‌ڵێك به‌رهه‌می‌ چاپنه‌كراوی‌ دیكه‌ی‌ له‌ پاش به‌جێ‌ ماوه‌.
"ئوردیخانی‌ جه‌لیل"، ئه‌ندامی‌ یه‌كیه‌تیی‌ نووسه‌رانی‌ رووسیه‌، یه‌كیه‌تیی‌ نووسه‌رانی‌ كورد، ئه‌نیستیۆی‌ كورد له‌ پاریس، ئه‌ندامی‌ ئیفتیخاریی‌ ئاكادیمیای‌ زانیاریی‌ عێراق، سه‌رۆكی‌ رێكخراوی‌ كورد له‌ لینینگراد‌و پرۆفیسۆری‌ فه‌رهه‌نگ‌و ئه‌ده‌بی‌ كوردی‌ له‌ زانكۆی‌ لینینگراد بوو.
حیزبی‌ دێموكراتی‌ كوردستانی‌ ئێران به‌و بۆنه‌وه‌ سه‌ره‌خۆشی‌ له‌ بنه‌ماڵه‌ی‌ ئوردیخان‌و بنه‌ماڵه‌ی‌ گه‌وره‌ی‌ جه‌لیله‌كان‌و كۆمه‌ڵگای‌ نووسه‌ران‌و ئه‌دیبانی‌ كورد ده‌كا.

ده‌فته‌ری‌ سیاسی‌
25/10/2007 (3/8/1386)