په‌یامی‌ پیرۆزبایی‌ كۆنگره‌ی‌ نه‌ته‌وه‌كانی‌ ئێرانی‌ فیدراڵ‌ بۆ به‌رێز مام جه‌لال تاڵه‌بانی

به‌ بۆنه‌ی‌ هه‌ڵبژێرانیه‌وه‌ بۆ پۆستی‌ سه‌ركۆماریی‌ عێراق

به‌رێز جه‌لال تاڵه‌بانی‌!
سه‌ركۆماری‌ عێراق!
هه‌ڵبژێرانی‌ ئێوه‌ خه‌باتكاری‌ ماندوویی‌ نه‌ناس بۆ پۆستی‌ سه‌ركۆماریی‌ وڵاتی‌ دراوسێمان، عێراق، كه‌ له‌گه‌ڵ‌ ئێرانی‌ ئێمه‌دا له‌زۆر بواردا، به‌ تایبه‌ت له‌ بواره‌كانی‌ كه‌لتووری‌‌و فره‌نه‌ته‌وه‌یی‌ بوون‌دا، خاوه‌نی‌ گه‌لێ‌ خاڵی‌ هاوبه‌شه‌، بووه‌ هۆی‌ ئه‌وپه‌ڕی‌ خۆشحاڵیمان.
به‌ ناوی‌ كۆنگره‌ی‌ نه‌ته‌وه‌كانی‌ ئێرانه‌وه‌ كه‌له‌م دواییانه‌دا له‌ لایه‌ن حه‌وت حیزب‌و رێكخراوی‌ سه‌ر به‌ نه‌ته‌وه‌كانی‌ ئێرانه‌وه‌ دامه‌زراوه‌و ئامانجی‌ سه‌قامگیر كردنی‌ سیستمێكی‌ دێموكراتیك‌و فیدراڵ‌ له‌ ئێران دایه‌، به‌ بۆنه‌ی‌ ئه‌م هه‌ڵبژێرانه‌ شیاوه‌وه‌، پیرۆزبایی‌ ده‌كه‌ین له‌ پارلمانی‌ نیشتمانیی‌ عێراق‌و گه‌لانی‌ عێراق‌و به‌رێزتان‌و هیوای‌ سه‌ركه‌وتنتان بۆ ده‌خوازین بۆ خزمه‌ت به‌ خه‌ڵك‌و سه‌قامگیر كردنی‌ سیستمێكی‌ دێموكراتیك‌و فیدراڵ‌ له‌ عێراق‌دا.

كۆنگره‌ی‌ نه‌ته‌وه‌كانی‌ ئێرانی‌ فیدراڵ‌، پێكهاتوو له‌:
1ـ به‌ره‌ی‌ یه‌كگرتووی‌ به‌لووچستانی‌ ئێران
2ـ بزاڤی‌ فیدراڵ‌ دێموكراتی‌ ئازه‌ربایجان
3ـ حیزبی‌ دێموكراتی‌ كوردستانی‌ ئێران
4ـ حیزبی‌ خه‌ڵكی‌ به‌لووچستان
5ـ حیزبی‌ هاوپێوه‌ندیی‌ دێموكراتیكی‌ ئه‌هواز
6ـ رێكخروی‌ پشتیوانی‌ له‌ مافه‌كانی‌ گه‌لی‌ توركمه‌ن
7ـ رێكخراوی‌ شۆڕشگێڕی‌ زه‌حمه‌تكێشانی‌ كوردستانی‌ ئێران