بۆ ده‌ربڕینی‌ ناڕه‌زایه‌تی‌ له‌ جینایه‌ته‌كانی‌ رێژیم له‌ شاره‌كانی‌ كوردستان دوكان‌و بازاڕی‌ شاری‌ پاوه‌ داخرا

رێكه‌وتی‌ 13/5/1384، بازاڕ‌و دوكانه‌كانی‌ شاری‌ پاوه‌ به‌ ئێعتراز به‌ جینایه‌تی‌ رێژیم له‌ شاره‌كانی‌ كوردستان داخران‌و هه‌رچه‌ند رێژیم هه‌وڵـی‌ زۆری‌ داوه‌ كه‌ بازاڕ‌و دوكانه‌كان به‌ خه‌ڵك بكاته‌وه‌، به‌ڵام بازاڕی‌یه‌كانی‌ ئه‌م شاره‌ ئاماده‌ نه‌بوون ده‌ست له‌ داخستنی‌ دوكان‌و بازاڕ هه‌ڵبگرن. به‌پێی‌ هه‌واڵ‌ رێژیم هێزێكی‌ زۆری‌ له‌ كرماشانه‌وه‌ هێناوه‌ته‌ شاری‌ پاوه‌‌و 3 هێلیكوپتێری‌ رێژیم له‌حاڵـی‌ ئاماده‌باشی‌ ته‌واودان‌و هێزمی‌ سپا‌و به‌سیج ته‌واوی‌ شه‌قام‌و كۆڵانه‌كانی‌ ئه‌م شاره‌یان گرتووه‌‌و شار حاڵه‌تێكی‌ ته‌واو نیزامیی‌ به‌خۆیه‌وه‌ گرتووه‌.

سكرتاریای‌ حیزبی‌ دێموكراتی‌ كوردستانی‌ ئێران