راگه‌یه‌ندراوی‌ خه‌به‌ری‌

سه‌عید ساعدی‌‌و ئیجلال قه‌وامی‌ درێژه‌ به‌ مانگرتنه‌كه‌یان ده‌ده‌ن

پاش ده‌ستبه‌سه‌ركران‌و به‌ندكرانی‌ دوو رۆژنامه‌نووس‌و چالاكی‌ سیاسیی‌ كورد، سه‌عید ساعدی‌‌و ئیجلال قه‌وامی‌ له‌ لایه‌ن هێزی‌ ئینتیزامیی‌ رێژیمه‌وه‌ به‌ تاوانی‌ به‌شداریكردنیان له‌ خۆپیشاندانه‌كانی‌ ئه‌م دواییانه‌ی‌ خه‌ڵكی‌ شاری‌ سنه‌دا، له‌ رۆژی‌ شه‌ممه‌، 22ی‌ گه‌لاوێژی‌ 1384ه‌وه‌ ده‌ستیان به‌ مانگرتن كردووه‌‌و تا گه‌یشتنی‌ ئه‌م هه‌واڵه‌ هه‌روا درێژه‌ی‌ هه‌یه‌.
مانگرتنی‌ دوو رۆژنامه‌نووسی‌ ناوبراو بۆ ده‌ربڕینی‌ ناڕه‌زایه‌تی‌ له‌ دژی‌ ده‌ستبه‌سه‌ركردنی‌ نایاسایی‌ ئه‌و كه‌سانه‌ی‌ كه‌ له‌ خۆپیشاندانه‌كانی‌ ئه‌م دواییانه‌ی‌ شاره‌كانی‌ كوردستان دا به‌شداربوون‌و هه‌روه‌ها ئازار‌و ئه‌شكه‌نجه‌دانیان له‌ لایه‌ن هێزه‌ دژی‌گه‌لی‌یه‌كانی‌ رێژیمه‌وه‌یه‌‌و تا ئازادی‌ بێ‌شه‌رت‌ومه‌رجی‌ به‌ندكراوه‌كان درێژه‌ی‌ ده‌بێ‌.

سكرتاریای‌ حیزبی‌ دێموكراتی‌ كوردستانی‌ ئێران
25/5/1384