Kurdistanmedia: Girtiyekî siyasî ê Kurd li girtîgeha Mînab, piştî çend sal raçav kirina nobeta bijîşkî û nedana mohleta Dermanî, tûşî penceşêra roviyê bi bû.

Li gorî raporta Kempêna Bervanîkirin ji girtiyên siyasî û sivîl, Efşîn Sohrab zade, girtiyê siyasî ê Kurd û xelkê Kirmanşanê, piştî çend salan ku di nobeta dermanî û bijîşkî de dimîne, ji aliyê berpirsên girtîgehê ve astengiya pêdiviyên dermanî çêdibe ku di encamêde hewala nexweşiya qansêrê bi wî tê îlan kirin.


gorî wê raportê, Efşîn Sohrabzade, heyamê 2 salan xwînrêjiya Mîde hebûye lê tu car nehatiye tedawî kirin.

Ew zîndaniyê siyasî ê Kurd, piştî pêdeçûneke berdewam derheq nexweşiya xwe de û xweragiriyeke bi derd û elem hember wê nexweşiyê, ligel bersiveke bê hêvî a nexweşiya penceşêrê ji aliyê berpirsên zîndana Mînabê rûbirû bo.

Tevî wê hindê ku bijîşjkan encama test kirina nexweşiya navbirî bi wî re îlan nekiribûn, lê berpirsên girtîgehê ew hewala diltezîn a penceşêrê bi wî zîndaniyê kurd ê girtîgehê, ragihandin.

Roja Yekşemî 9’ê Çiriya Paşîn a 2014’an, Efşîn Sohrabzade, bi sedema êşa dejwar a roviyan di demekê de ku bi ser hiş diçe, bi nexweşxaneyeke bajarê Mînabê tê veguhestin û piştre bi gotina bijîşkan der dikeve ku navbirî tûşî nexweşiya penceşêrê bûye.
Pêştir ew girtiyê siysî ê Kurd, daxwaza îzna dermanî kiribû, lê tevî nîşaneyên nexweşiyê ev muhlet bi wî nehatibû dayîn.

Efşîn Sohrabzade ku 24 sal temen heye, bi tawana alîkarî kirin ligel partiyeke Kurd a opozosiyona rejîma Îslamiya Îranê, ji aliya Dozgeriya Înqilab a Sine bi serokatiya dozger “Mustefa Teyarî, bi 25 sal zîndan û durxisina bi Mînabê hatibû mehkum kirin. Navbirî niha ligel nexweşiya qansêrê, tawana bi ser de hatî pesend kirin, bi kul û derdan dibihorîn e.