Kurdistanmedia: Kerîm Elî Mihemedî naskirî bi Mame Kerîm endamê kevnar yê Partiya Demokrat a Kurdistana Îranê û xelkê gundê Binaveçan a ser bi devera Xurxure a Seqizê bi sedema nexweşiyê di temn 65 saliyê de wefat kir.

Li gor rapora malpera Kurdistanmedia, roja Duşemî 1’ê Çileya Pêşîn a 2014’an, Kerîm Elî Mihemedî bi sedema nexweşî di temen 65 saliyê de çû ber dilovaniya xwedê û navbirî di nav aporaya xelkê deverê de teslîm erdê kirin.

Navbirî sala 1337’an a Rojî li gundê Binaveçan a ser bi devera Xurxure a ser bi Seqizê ji dayîk bûye û sala 1372’an a Rojî pêwendî bi PDKÎ re digre û ew xebatakare sala 1373’an ji aliyê hêzên Ewlekar ên rejîma Îslamî a Îranê de tê girtin û destpêkê de bi dardekirinê tê mehkûmkirin û paşan hukma heta hetayî bi ser de tê sepandin.

Mame Kerîm heta sala 1387’an a Rojî bo heyamê 15 salan li girtîgehên Sine û Seqizê de dimîne û heta dawiya jiyan xwe wefadarê rêbaza partiya xwe dimîne.

Malbata navbirî sedema mirina Mam kerîm bo eşkenceyên dirj ên rejîma Îslamî a Îranê radigehînin.

Partiya Demokrat a kurdistana Îranê serxweşî ji malbat û kes û karê wî dike û xwe di xem û kovana wan de bi pişikdar dizane.