Kurdistanmedia

Malpera Navendî a Partiya Demokrat Kurdistana Îranê

Alman/ Sekreterê partiyê yad û bîranîna şehîdên Mîkonosê bilind nirxand

15:01 - 23 Gulan 2015

Kurdistan Media: Sekreterê giştî yê PDK Îranê “Mistefa Hicrî” destegula rêz û emegnasiyê li ser monomenta şehîdên Mîkonosê li Birlînê danî.

Li gorî rapora malpera Kurdistan Meida, roja pêncşemî, 21’ê Gulana 2015’an, Mistefa Hicrî, sekreterê giştî yê PDK Îranê bi hevrêtiya şandekê seredana monomenta şehîdên Mîkonosê li Birlîn a serbajarê Almanyayê kir.

Mistefa Hicrî di serdanekê de jib o pêşberî “restoratna Mîkonosê”, qewdikek gulên rêz û emegnasiyê li ser monomenta van şehîdên serbilind de danî û yad û rêbaza şehîdên Hizba Demokrat û hemû şehîdên Kurd û Kurdistanê bilind nirxand.

Li 17’ê Îlona 1992’an (26’ê Xermanana 1371’ê Rojî) de, “Dr. Sadiq Şerefkendî” sekreterê wê demê yê PDKÎ, “Fetah Ebdulî” nûnerê partiyê li Alman û “Nûrî Dêhkurdî” hevalê partiyê li kiryarek terorîstî de bi destê terorîstên rejîma Komara Îslamî a Îranê ve hatin şehîd kirin û canê paqij ê xwe di pêxema gelê kurd û armancên rewa ên wê de gorî kirin.