Kurdistan Media: Deftera Siyasî a Partiya Demokrat a Kurdistana Îranê li nameyekê de, serketina HDP’ê, ji serokatî, endam û alîgirên vê partiyê pîroz kir.

Deqa nameyê bi vî awayî ye:

Birêz Serokatiya HDP’ê!
Birêz Selahedîn Demirtaş, Hevserokê HDP’ê!
Silav û rêz
Bi boneya serkevtina we di hilbijartinên 7’ê Hezîrana 2015’an a Tirkiyê de, em ji aliyê Deftera Siyasî ya Partiya Demokrat a Kurdistana Îranê ve, pîrozbahiyê ji we yên birêz, ji riya we jî ji endam û alîgirên HDP’ê û bi giştî ji hemû xûşk û birayên xwe li Kurdistana Bakûr de dikin û xwe li xweşiyên vê serkeftinê de bi şirîk û beşdar dizanin.

Em hêvî dikin ku encamên vê hilbijartinê bi giştî û serkevtina HDP’ê bi taybetî, pêvajoya aştî û demokrasiyê li Tirkiyê de xurt bike û riya kurdan li Bakûr de ji bo gihîştin bi maf û azadiyên xwe xweş bike.
Li gel rêzên dubare

Partiya Demokrat a Kurdistana Îranê
Deftera Siyasî
8’ê Hezîrana 2015’an