• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-21 / 1396-11-01   

Deftera Siyasî ya PDKÎ: Erkê mamostayên têgehiştî ye ku zarokan bi perwerdeya îroyî û hizra azadîxwaziyê re perwerde bikin

2016-09-24 / 1395/07/03 - 12:25 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Deftera Siyasî ya PDKÎ: Erkê mamostayên têgehiştî ye ku zarokan bi perwerdeya îroyî û hizra azadîxwaziyê re perwerde bikin
Kurdistanmedia: Deftera Siyasî ya PDKÎ seba destpêkirina sala nû ya xwendinê di Îranê de, daxuyaniyek belav kir û piroseya xwendinê bi zimanek derweyî zimanê dayîkî di Îranê de, bi kuştara çandî nav dibe.

Deqa daxuyaniyê bi vî awayî ye:

Sala nû ya xwendinê ji fêrxwaz û mamostayan pîroz be

Hemwelatiyên hêja!


Despêka sala xwendinê li Îranê de, hevdem e digel destpêka demsala Payîzê û guherîna rewşa hewayê, wate digel kêmbûna pileya germê, demsala nû ya tekoşîna di pêxema zanist û fêrbûnê de, dest pê dike.

Demsala zanist û xwendinê di Îranê de, ji hemû qutabî û fêrxwazanre, destpêka salek din e ji pêvajoya pêgihîştin, ‘elimîn û zanistperweriyê, da ku xwe bi çeka zanist û têgihîştinê bona bidestvegirtina pêşeroja welat, teyar û berhev bikin.

Hevdem ji mamostayên xwendingehan re jî demsalek nû ya tekoşînê ye bona perwerdekirina zarok û lawên Kurdistanê, heya ku bi zehmetî, mandîbûn û tekoşîna xwe ve, nifşên pêşeroja welat bi zanista serdem perwerde bikin û wan ji nezanî û nezanperestiyê dûr bixin.

Bi vê boneyê ve, em pîrozbahiyê ji hemû qutabî û fêrxwaz û mamostayên têgehiştî û zanistperwer di Îranê de dikin û hevdem hêvîdar in ku, di sala nû ya xwendinê de, coxîna zanista îroyîn û mirovtewer, di xwendingeh û mejiyê zarokan de pirberhemtir be.

Hevdem li gel demsala nû ya xwendinê li Îranê de, pirsgirêk û giriftên zêde jî li ser riya xwendekar û mamostayan hene, ew jî têxistin û vezelandina waneyên îdeolojîk û paremayî bo nav waneyên xwendinê de ye ku desthilata Wilayeta Feqîh, bi dijberîkirina perwerdeya zanistî û mirovtewerane, waneya nezanperestî û paremayînê ji zarok û ciwanên Îranê re dibêje, lê li hemû cehd û tekoşînên xwe de jî şikest xwarî ye. Ji ber ku piştî 36 sal bi ser kûdetaya çandî bi ser zanistgehan (sala 1359’a rojî) de, hêj bas ji piroseya bi nav îslamîkirina xwendinê dikin û niha jî kom kom û dest deste ji lawên Îranê ku piroseya xwendinê li jêrdestê îdeolojiya Wilayeta Feqîh de qedandine, bi tewahî li dijî bingehên terorîstî ên hizra Wilayeta Feqîh disekinin.

Erkê mamostayên têgihîştî, zanistdost û mirovdost e ku berevajî waneyên Komara Îslamî, zarok û ciwanan bi perwerdeya îroyîn, hizra azadîxwazî û zanistperweriyê nasyar û bielimînin.

Li Îrana jêrdestê zalim û stemkaran de, demsala nû ya xwendinê hevdem e li gel demsala nû ya birandin û êrîşa ser zimanê dayîkî.

Li Îrana dagîrkirî ji aliyê desthilatdarên xwesepên û dijî azadî ve, zimanê dayîkê li piroseya xwendinê de hatiye qedexekirin û zarokên netewên zulmlêkirî û yek ji wan jî neteweya kurd bi zimanekê ku biyanî ye bi wan re, dibe piroseya xwendin û hînbûnê birêve bibin û eva jî destpêka jinosayda sipî ya çandî li Îranê de ye. Li rastî de sala nû ya hînbûnê, di heman demê de sala nû ya destpêkirina kuştina çand û zimanê neteweyan li Îranê de ye.

Lawên bihest û mamostayên şoreşvan û xebatkar, erkek giran li vê derheqê de dikeve ser milê wan, ku ew jî, xwe li vekirina riyên mumkin bo hînbûn û xwendina bi zimanê dayîkî de dibîne, heya ku bi vî awayî him zimanê dayîkî ê xwe biparêzin û him jî li hember siyasetên şovenîstî ên rejîma desthilatdar û îdeolojiya hakim de derbikevin.

Bi hêviya wê ku bi herifîna rejîma Wilayeta Feqîh, sîstema xwendin û perwerdehiyê li Îran û li nav neteweyên Îranê de bibe bi sîstemek îroyîn, mirovtewer û dûr ji ciyawazî, helandin û vebirandinê.

Carek din sala nû ya xwendinê ji hemû qutabî û mamostayan li Îranê û bi taybet ji fêrxwaz û mamostayên kurd pîroz be.

Partiya Demokrat a Kurdistana Îranê
Deftera Siyasî

24’ê Îlona 2016’an
3’ê Rezbera 1395’a Rojî
بالاترین چاپکردنی ئەم بابەتە

Duheftînameya Agirî
hejmara rojnameya Agirî 318 Dî wê hejmarê de:

-Rasan û Guhertin
-Hevpeyvîna Spûtnîk Kurdistanê digel Mistefa Hicrî sekreterş giştî ê PDKÎ derheq meşên nerazîbûnê di Îranê de
-Komara Kurdistanê, Netewe û welatperwerî
  • Rasan û guhertin Rasan û guhertin
    Qanaxa Rasanê, qonaxek e ku pêwîst bi nûbûnê û cardin jêponijînê heye di hemû biyavan de, û kar û tekoşîn, û xewn û şêwaza pêngavhilgirtina ber bi hêviyan ve diyarî dike.
  • Komara kurdistanê nahê jibîrkirin Komara kurdistanê nahê jibîrkirin
    Zimanê kurdî bibû zimanê fermî yê îdare û qutabxanan li Rojhelatê Kurdistanê, û rojname û kovar bi zimanê Kurdî dihatin weşandin.
  • Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye
    Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye. Hicrî destnîşan kir ku di çerçoveya demokrasiye de piştgiriya xwepêşandanan kirine û Îran ti wext ji bo diyalogê bi wan re rast tevnegeriya ye.
  • Komara Kurdistanê, Netewe û welatperwerî Komara Kurdistanê, Netewe û welatperwerî
    Wek erkek nîştimanî em dibe têkoşîna xwe bo nasandina baştir û zêdetir ya nirxên welatperwerî û nîştimanperwerî ku li Komara Kurdistanê ve bo me bi mîrat mane zêdetir bikin, û ew yeka jî, wê yekîtiya di navbera hemû Kurdistaniyan de zêdetir û riya gihîştin bi armancên Komarê jî ronahîtir bike.
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.