• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-17 / 1396-10-27   

PDKÎ nameyek bo Ehmed Şehîd şand

2016-10-26 / 1395/08/05 - 16:23 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
PDKÎ nameyek bo Ehmed Şehîd şand
Kurdistanmedia: Partiya Demokrata Kurdistana Îranê, derbarê rewşa mafê mirovan li Kurdistana Rojhilat nameyek ji Ehmed Şehîd, nûnerê taybet ê Komîsyona Mafê Mirovan a Rêxistina Neteweyên Yekbûyî re şand.

Deqa nameyê bi vî awayî ye :

Birêz cenabê Ehmed Şehîd, nûnerê taybet ê Komîsyona Mafê Mirovan a Rêxistina Neteweyên Yekbûyî bo çavdêrîkirin bi ser mafê mirovan li Îranê

Ligel silavan


Di rapora vê dawiyê ya we yê birêz de, we ji berê berçavtir bal kişandiye ser Kurdistana Rojhilat û binpêkirinên Komara Îslamî ya Îranê, lewra di vê derbarê de me bi hewce zanî sipasiya kar û keda we yê birêz bikin û ji we re hêviya serkevtinê bixwazin di kar û erkên bi we sipartî de.

Di raporê de daxwaz ji Komara Îslamî ya Îranê hatibû kirin ku xwe ji kuştina xelkê sivîl û topbarankirina û qumparebarankirina herêmên niştecihbûna welatiyan xwe biparêrze ku ev yek cihê kêfxweşiyê ye.

Di vê derbarê de hewce ye em weke Partiya Demokrata Kurdistana Îranê we yê birêz û hemû aliyekê agahdar bikin ku Pêşmergeyên hizba me di çi şer û aloziyekê de pêşdest û destpêşxer nebûne, belkî eva rejîma Komara Îslamî ya Îranê ye ku xelkê sivîl ên navçeyan û azadîxwazên Kurdistanê û hêzên Pêşmerge bi tawana hebûna wan di nava xelkê xwe de dike armanc, ev yek jî vedigere bo vê rastiyê ku li Îrana bin desthilata Komara Îslamî de derfera hîç core têkoşînekê bi çi yek ji awayan tune ye. Ne tenê ev yek, belku rê bi çi rexnegir, mafxwaz û azadîxwazekê nayê dayîn da ku nerîn û dîtinên xwe bînin ziman û rexne û daxwazên berheq ên herî kêm ligel cezayên pirr giran û tund berbirû dibin û rejômê rewşeke bi tevahî ewlekarî û polîsî bi ser jiyana xelkê de zal kiriye û dest ji îdamkirina bê mehkeme a azadîxwazan û kuştina kasibkar û kolberan naparêze.

Di rewşeke wiha de xelkê Îranê bi giştî û keç û xortên kurd bi taybet ku mafên wan herî zêde tên binpêkirin û serkut û qirkirina çend qat zêde ber wan ketiye, li benda vê yekê ne ku Komîsyona Mafê Mirovan a Rêxistina Neteweyên Yekgirtî û û ev saziya cîhanî bi xwe ji berê bêhtir rejîma Komara Îslamî ya Îranê bixin bin zextê bona ku ji kuştina xelkê û wêrankirina gund û bajarên Kurdistanê xwe biparêze û derfeta têkoşînê bo partî û aliyên siyasî û saziyên sivîl (NGO) re dabîn û misoger bike.

Her eva ku Komara Îslamî ya Îranê rê bi we yê birêz û bi kesayetiyên weke we nade ku ji nêzîk ve rewşa binpêkirina mafê mirovan ji aliyê vê rejîmê ve bişopînin û zêdetir li ser rêjeya îdamkirina û destbiserkirina agahdar bibin, bi xwe belgeyek e bona selimandina rastiya van pirsên ku me bi kurtî qala wan kir.

Di dawiyê de em radigehînin, xebata Partiya Demokrata Kurdistana Îranê, xebateke rewa ye bona berçavgirtina mafê mirovan, dabînbûna demokrasiyê li Îranê û mafên netewî yên kurdan û gelên din ên Îranê û wekheviya jin û mêran di nav civak û malbatê de bo edalet û yeksaniyê ye, di pêvajoya vê xebatê de jî herdem pirensîpên pejirandî yên mafê Mirovan berçav girtiye û dê berçav bigire.

Ligel daxwaza serkevtina zêdetir bo we yê birêz

Partiya Demokrata Kurdistana Îranê
Deftera Siyasî

20.10.2016
29ê Rezbera 1395
بالاترین چاپکردنی ئەم بابەتە

Duheftînameya Agirî
hejmara rojnameya Agirî 317 Dî wê hejmarê de:

-Dengê Rasana gelan nabihîzin
-Dengê pêngavên rojên pakane hesabê tê
-PDKÎ û Komelê daxuyaniyeke hevbeş belav kirin
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.
  • Pêşmercê serkevtinê, yekrêzî û pêkvebûn e Pêşmercê serkevtinê, yekrêzî û pêkvebûn e
    Bi xweşî ve ragehandina azad û bi taybetî torên civakî rejîm riswa kirin, ji aliyekî ve, diziyên wan li wan eşkere kirin, û ji aliyekî din ve bêpirensîpî û dijîkurdbûna Komara Îslamî bo bîrûraya giştî zêdetir eşkere kir.
  • Şikesta Kerkûkê dawiya rê nine! Şikesta Kerkûkê dawiya rê nine!
    Berî êrîşên DAÎŞ`ê bû ku Malikî hêza Îraqê bi fermandehiya Ebû El-emîr Zeydî şand da ku Kerkûk û Xaneqînê bigrin. Ji çend salan berî niha ve jî, bûdceya Hikûmeta Herêma Kurdistanê birîne, da ku bi zext û givaşa aborî ji navxwe ve biherife.
  • Erdheja siyasî Erdheja siyasî
    Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!
  • Şikesta Kerkûkê destpêka rabûneke din Şikesta Kerkûkê destpêka rabûneke din
    Dîrok hertim bi awayek ji awayan dubare dibe. Bûyera 25`ê Rezbera 1396`an (16.10.2017)`an rast bibîrhîner û dubarebûna dîrokê di cîhanê de, û bi taybetîtir ji bo neteweya Kurd bû.