• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2017-12-14 / 1396-09-23   

Saziya Mafê Mirovan a Îranê: Em ji rewşa Suniyan di Îranê de nîgeran in

2017-06-13 / 1396/03/23 - 13:05 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Saziya Mafê Mirovan a Îranê: Em ji rewşa Suniyan di Îranê de nîgeran in
Kurdistanmedia: Saziya Mafê Mirovan a Îranê bi weşandina daxuyaniyekê ragehand ku hin rapor belav dibin ku nîşan didin piştî êrîşên li Tehranê zexta li ser Suniyan zêde bûye.

Saziya Mafê Mirovan a Îranê tevî şermezarkirina bûyerên di Tehranê de, derheq kiryarên neyasayî, wekî îşkence, îfadeyên bizorî û îdaman hişdarî daye, û daxwaza dadgehîkirina tohmetbaran di dadgehên dadperwerane û eşkere de kiriye.

Vê saziyê pêdagirî kiriye ku îdamên bêreje, serkut û serederiyên neyasayî ji aliyê navendên ewlekariyê di herêmên etnîkî de, tenê tundûtîjiyê zêdetir dike.

Saziya Mafê Mirovan a Îranê ragehandiye ku piraniya wan kesên ku di Îranê de seba tohmetên wekî Miharbe û mufsido fi-erz têne îdamkirin, ser bi navçeyên etnîkî ne. Vê saizyê herwisa îşare bi îdama 25 girtiyên Sunî di girtîgeha Kerecê di havîna sala borî de kiriye, ku piştî dadgehîkirinên çend deqeyî ji aliyê dadgehên Inqilabê ve bi îdamê hatin mehkûmkirin. HRANA organa nûçeyan a Koma Çalakên mafê mirovan di Îranê de jî ragehandiye ku berpirsyarên girtîgeha Navendî ya Sineyê jî pêka selîqeya xwe lêpirsînê ji girtiyan dikin, û yên hevmesebê wan nebin, îşkence dikin.

Çalakekî medenî ê Belûç bi navê Hebîbullah Serbazî bi Saziya Mafê Mirovan a Îranê ragehandiye ku piştî êrîşên terorîstî ên Tehranê hêzên Spaha Pasdaran di navçeyên sînorî ên Sîstan û Belûçistanê de pêşiya xelkê digrin û bê sebeb wan azar didin.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 315 Dî wê hejmarê de:

-Birca Babil
-Felsefeta “Heq” û yekparçeyiya Herêmî (Beşa 1)
-Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê