• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-18 / 1396-10-28   

Tirsa ji teqteqokan

2017-06-21 / 1396/03/31 - 20:10 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Tirsa ji teqteqokan
Kerîm Perwîzî

Spaha Pasdaran a rejîma Îranê roja Sêşemiyê 30`ê Cozerdanê ragehand ku Erebistanê kesên ser bi Spaha Pasdaran destbiser nekirine. Roja Duşemiyê jî ragehand ku şeva pêştir çend mûşek nav Dêrelzorê dane, û bi qewlê wan bi xwe, wan êrîşî ser binkeya terorîstan kiriye li Sûriye.

Erebistanê roja Duşemiyê ragehand ku çend gemiyên Spaha Pasdaran nêzî sekoya petrolê ya Mercan li kendavê bûne, ku ew yek ya Erebistên ye, û piştre wan jî gulle bi ser wan gemiyan de reşandine, û çend pasdar destbiser kirine, û du gemiyên din jî reviyane!.

Nûçegihaniyên navneteweyî jî roja Duşemiyê ragehandin ku êrîşa mûşekî hatiye kirin bo ser opozisyona Sûrî li Dêrelzorê, û riya êrîşa bejahî ji hêzên Beşar Esed re vekirî ye.

Ew bûyer hevdem in digel hingavtina balafireke Sûrî ji aliyê hêzên Amerîkayê ve, û di wê demê de jî, Rûsiyê gef xwarine ku di navçeya şer di Sûriyê de, rêkevtina hêla pêwendiya taybetî digel Amerîkayê ragirtiye.

Guherîna nizamî û emniyetî li ser erd û di qada şer di navçeya Rojhilata Navîn de, bilez rû didin, û bûrkana şer, agirê wê zêdetir geş dibe.

Ger ser hemda xwe, tu ji bileziya bûyeran kêm bikî, û bi awayekî aramtir li wan wêneyan binêrî ku bilez derbaz dibin, hinek ratsiyên meydana berber

ekaniya hêzan eşkere dibe ku nabe li ber çavan bê windakirin.

Di Tehranê de, ewlehiya rizî ya rejîma Îslamiya Îranê û fişefişa Spaha Pasdaran ketiye metirsiyê de, û Ramboyê Komara Îslamî ku her rojê li cihekî Îraq û Sûriyê wêneyên wê belav dibin, ku gotina ewlehiya “herem”an diparêze, derket ku ew jî poldaqek
betal e, û nekarî ewlehiya meclisê û qebrê avakerê rejîma wan biparêze.

Xamineyî ku heybeta wê ya derevîn kete metirsiyê de, dest bi vir û derevan kir ku gotina ew dixwazin êdî digel terorîzmê şerê dawiyê bikin, eva di demekê de ye, ku terorîzm çi

Şî`e û çi jî Sunî ji aliyê Komara Îslamiya Îranê ve hatiye vegeşandin.

Lê bûyerên di asta giştî ya navçeyê de tişteke din dibêjin, û tenê di asta vê êrîşa li ser meclisê û qebrê Xomênî û dijkiryarên wê de kurt nabin, belkû hevkêşeya hêzê di navçeyê de cardin dadirêje.

Hinek çavkanî bas ji vê dikin ku ew mûşekên ku gotina Spaha Pasdaran avêtina Dêrelzorê, di rastî de binkeya mûşekî ya Rûsiyê di Hemedanê de, di bersiva êrîşa Amerîkayê bo ser balafirên Sûriyê avêtine, û alîkariya hêzên Beşar Esed dane da ku nêzî sînorê Îraqê bibin.

Parçeyên vê pazêlê, di Rojhilata Navîn de hêdî hêdî tekmîl dibin, û welatên Erebî zextê dixin ser Qeterê, ku digel wan hevaheng be, û asta girjiya ewlehî û leşkerî di navbera Erebistan û Îranê de bilind dibe, û di Sûriyê de, hêzên Amerîkayê rasterast êrîşê dikin ser hêzên Esed, û şerê Mûsilê ber bi tewawbûnê ve diçe, û kêşeya Kurd û Şî`e di Îraqê de serî radike, û referandom jî dema wê tê diyarîkirin, û komara Îslamiya Îranê hêcetan dibîne ku Kurdistana Rojhilat, di bin potînên pasdaran de bêdeng bike, û ji tirsa leyîza bi teqteqokan, renge enbara teqemeniyan di Kurdistanê de biteqe û …hwd.

Dema ku tu li dûrdîmenê dinêrî, û wêneya wê ya gelemperî bi hev ve dizeliqînî, wê demê ew gotina Tîlirson tê bîra mirov, ku got, stratejiya siyasî di Rojhilata Navîn de, tê guhertin, û ew alîkariya guherîna aştîxwazane di navxwe ya Îranê didin.

Bi van hûrbîniyan em digihîjin vê encamê, ku tirsa Xamineyî ji leyîza bi teqteqokan (tereqebaziyê), renge di pêşerojê de, bibe sedema vê ku, teqteqokên zêdetir li ber piyên wî biteqin, û bibe kabûsa jiyan wî.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 317 Dî wê hejmarê de:

-Dengê Rasana gelan nabihîzin
-Dengê pêngavên rojên pakane hesabê tê
-PDKÎ û Komelê daxuyaniyeke hevbeş belav kirin
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.
  • Pêşmercê serkevtinê, yekrêzî û pêkvebûn e Pêşmercê serkevtinê, yekrêzî û pêkvebûn e
    Bi xweşî ve ragehandina azad û bi taybetî torên civakî rejîm riswa kirin, ji aliyekî ve, diziyên wan li wan eşkere kirin, û ji aliyekî din ve bêpirensîpî û dijîkurdbûna Komara Îslamî bo bîrûraya giştî zêdetir eşkere kir.
  • Şikesta Kerkûkê dawiya rê nine! Şikesta Kerkûkê dawiya rê nine!
    Berî êrîşên DAÎŞ`ê bû ku Malikî hêza Îraqê bi fermandehiya Ebû El-emîr Zeydî şand da ku Kerkûk û Xaneqînê bigrin. Ji çend salan berî niha ve jî, bûdceya Hikûmeta Herêma Kurdistanê birîne, da ku bi zext û givaşa aborî ji navxwe ve biherife.
  • Erdheja siyasî Erdheja siyasî
    Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!
  • Şikesta Kerkûkê destpêka rabûneke din Şikesta Kerkûkê destpêka rabûneke din
    Dîrok hertim bi awayek ji awayan dubare dibe. Bûyera 25`ê Rezbera 1396`an (16.10.2017)`an rast bibîrhîner û dubarebûna dîrokê di cîhanê de, û bi taybetîtir ji bo neteweya Kurd bû.