• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-02-25 / 1396-12-06   

Rasan û dewleta Kurdistana Başûr

2017-08-22 / 1396/05/31 - 20:24 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Rasan û dewleta Kurdistana Başûr
Kerîm Perwîzî

Di Kurdistana Başûr de pêngava siyasî di asta herî serve de hatiye hilgirtin da ku referandom di dawiya meha Îlonê de, wate yekem hefteya Payîza sala 1396`an de bi rê ve bibin, û merema wan jî ji vê referandomê pirsyarkirina li xelkê ye derheq serbixweyiyê.

Ew pêngava siyasî di Kurdistana Rojhilat de, bi dilê xelkê Rojhilata kurdistanê bû, û pêşwazî jê kirin, û xelk dilxweş e bi vê ku di beşeke Kurdistanê de neteweya Kurd nêzî serbixweyiyê dibe. Ew dilxweşî tenê di asta hizb û aliyên siyasî de nine, û xelkê asayî zêdetir di vê derheqê de kêfxweş in.

Lê hevdem digel vê dilxweşiyê, dilekutkêyek jî di nava xelkê Rojhilata Kurdistanê de heye, ku gelo piştî serbixweyiya Başûra Kurdistanê, wê xebata Kurdistana Rojhilata bikeve çi qonaxekê de?.

Ew nîgeraniya zêdetir ji vê yekê ve çavkanî digre ku piştî deskevtên Kurd li Başûr, di du qonaxên cuda de, xebata Kurd li Rojhilat ber bi lawaziyê ve çû, û rejîma zal li Tehranê, bi pîlandarêtin karî ku derbeke giran li xebata Kurd li Kurdistana Rojhilat bide.

Di vê biyavê de, du boçûn hatin gorê. Yan di rastî de du cur xwendin bo siyaset û stratejiya li Kurdistanê, bi taybetî di du beşên Başûr û Rojhilat têne kirin.

Boçûna yekem ew e ku di her pêşveçûneke xebat û piroseya siyasî li Kurdistana Başûr de, herçend di asta hizr û îradeya neteweyî de bi qazancê Kurdistaniyan bi giştî ye, lê li ber lawaziya Kurdistana Başûr di hember dewleta Tehranê de (Her kes di Tehranê de li ser kar be), Kurdistana Başûr neçar dibe îmtiyaz û poanan bide hikûmeta Tehranê, li ser hisaba xebata Rojhilat.

Li gora vê boçûnê, berjewendiya Kurdistana Başûr û Rojhilat dikevin nav du bereyên cuda de, ku dabînbûna yek ji wan, di kurtheyam û navgînheyam de, di zirara yê din de ye. Di vê mînakê de her çi piroseya siyasî li Kurdistana Başûr nêzî serbixweyiyê dibe, dijayetiya berjewendiyan digel Rojhilat jî tundtir dibe, û xebata Rojhilat ber bi aliyê beranê qurbaniyê ve tê paldan
Di xwendineke din û lênihêrîneke din de, berjewendiya beşên Kurdistanê û di vê wêneyê de Başûr û Rojhilat li dijî hev nînin, belkû tewawker û kûrahiya stratejî û palpiştiya berjewendiya yektir in.

Li gora vê xwendinê, di her pêşveçûneke xebata beşeke Kurdistanê de, ne tenê pêwîst nake xebata beşeke din bê lawazkirin, belkû kûrtirbûna xebata vê beşa din dikare alîkar be bo aliyê din.

Di rewşa heyî ya niha de, ew xwendin wisa lê tê, ku ber bi pêşveçûna piroseya siyasî û bidewletbûna Kurdistana Başûr, pêwîstî bi hêz û kûrahiya stratejîk heye, û xebata Kurd li Rojhilat pêwîstî bi xeyala nêzîkbûna bi armancê heye. Di danûstandineke weha stratejîk de, hindî ku Kurdistana Başûr nêzî dewletbûnê dibe, xebata Kurd li Rojhilat jî pêwîst e ku geştir û berfirehtir be, da ku bikarin wekî cemikeke stratejîk pişt û penayê hev bin.

Ya ku di vê modelê ji xwendinê de girîng e, ew e ku şêwaza xebata cidîtir û taktîkî dibe formeke hişk û dogm nebin, û berdewam ji manora siyasî û xebatkariya cuda mifah bê standin, da ku dewleta Tehranê ku dijminê xebata Rojhilat û bargiraniya bi ser Başûr e, nebe bikerê biryarder.

Di vir de ye ku em digihîjin vê encamê, ku piroseya bidewletbûna Başûr û Rasana Rojhilat, cemikên pêkve girêdayî û hevçarenûs in, ku ne tenê berjewendiya dijî hev tunînin, belku tê kirin ku bihêziya her yek ji wan bibe faktera bihêzbûna ê din.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 319 Dî wê hejmarê de:

-Rasan û Pêşmerge
-Deqa axavtina Dr. Mîro Eliyar peyamek bi boneya 2`ê Rêbendanê 72.mîn salvegera avakirina Komara Kurdistanê
-Şêlûtiyên “Social media”yê
  • Şêlûtiyên “Social media”yê Şêlûtiyên “Social media”yê
    Em di civakekê de dijîn ku tê de her sal ji bîr û hizr ve bigre heya xwast û pêwîstî û hezkirin û hêvî, heya nerazîbûn û şoreş, hemû tiştek di çarçoveya xwesteke takekesekî û veşartî de maye, û bi sedema tirsa ji dezgeha serkutê ya rejîman, civak û texên di nav de, şêwe û şêwaza giştî bi xwe ve negirtiye.
  • Rasan û Pêşmerge Rasan û Pêşmerge
    Di vê rewş û qonaxa nû de, çi pêwîst nake, ku tenê çiya hêlûna pilingên nava rewta xebatê be, belkû bajar dibe fêrgeha siyas-nizamî û pêşmerge bar tîne, û bi şêwaza nû û hewce wan perwerde dike. Di vê berg û erka nû de, êdî jin û mêr çav li asoya rohn, keç û kurên dil pirr ji hêvî di nava bajar de, li hewşa malên xwe de, çekên veşartî ên bav û bapîrên xwe de, radikin, û paqij dikin. Ew bi paqijkirina van çekan û xweperwerdekirinê, erk û wezîfeya pêşmergê parêzerê xelkê digrin stûyê xwe, da ku bi vî zimanî dgel rejîmê baxive, ku jê tê digihîje.
  • Dr. Mîro Eliyar: Dîrokê ew şanazî bexşî PDKÎ ku Komara Kurdistanê wekî yekem deshilata neteweyî ya modern ya Kurd ava bike. Dr. Mîro Eliyar: Dîrokê ew şanazî bexşî PDKÎ ku Komara Kurdistanê wekî yekem deshilata neteweyî ya modern ya Kurd ava bike.
    Kurdistanmedia: Dr. Mîro Eliyar endamê Deftera Siyasî ya PDKÎ peyamek bi boneya 2`ê Rêbendanê 72.mîn salvegera avakirina Komara Kurdistanê pêşkêş kir.
  • Rasan û guhertin Rasan û guhertin
    Qanaxa Rasanê, qonaxek e ku pêwîst bi nûbûnê û cardin jêponijînê heye di hemû biyavan de, û kar û tekoşîn, û xewn û şêwaza pêngavhilgirtina ber bi hêviyan ve diyarî dike.
  • Komara kurdistanê nahê jibîrkirin Komara kurdistanê nahê jibîrkirin
    Zimanê kurdî bibû zimanê fermî yê îdare û qutabxanan li Rojhelatê Kurdistanê, û rojname û kovar bi zimanê Kurdî dihatin weşandin.
  • Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye
    Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye. Hicrî destnîşan kir ku di çerçoveya demokrasiye de piştgiriya xwepêşandanan kirine û Îran ti wext ji bo diyalogê bi wan re rast tevnegeriya ye.
  • Komara Kurdistanê, Netewe û welatperwerî Komara Kurdistanê, Netewe û welatperwerî
    Wek erkek nîştimanî em dibe têkoşîna xwe bo nasandina baştir û zêdetir ya nirxên welatperwerî û nîştimanperwerî ku li Komara Kurdistanê ve bo me bi mîrat mane zêdetir bikin, û ew yeka jî, wê yekîtiya di navbera hemû Kurdistaniyan de zêdetir û riya gihîştin bi armancên Komarê jî ronahîtir bike.
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.