• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-18 / 1396-10-28   

Erdheja siyasî

2017-11-22 / 1396/09/01 - 11:57 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Erdheja siyasî
Kerîm Perwîzî

Wê şeva ku erdhejek bihêz li jêr zewî de li Kurdistanê da, û çendîn bajarên Kurdistanê li Parêzgeha Kirmaşanê tûşî karesatê kirin, rejîma Komara Îslamî wisa dizanî ku ji vê bellayê dûr e, lê gellek nekişand ku erhejek siyasî hemû cismê rejîmê lerizand.
Bi salan e ku rejîma Îslamî ya Tehranê bi hêcet û kompiloyên curbicur dixwaze Kurdistanê kavil û gelê kurd jî tera bera bike.

Hewcehî wê jî nake ku em dubare data û statîstîkên bêkarî û rewşa aloz ya aborî û hejarî û asta paremayîbûn û xirabiya jiyanê li parêzgehên Kurdistanê de bixwînin, belkî rojane li waqi`i û realîteya jiyana xelkê Kurdistanê de, em hiştina Kurdistanê bi hemû parêzgehên xwe ve li hejarî û paremayîbûnê de dibînin.

Di heman demê de rejîma Komara Îslamî li jêr navên curbicur de hewil dide ku Kurd û Kurdistanê ji hev belav, û bike maleke wêran û neteweyek parçe-parçe, daku bo heta-heta kedî be. Rejîma Komara Îslamî û dem û dezgehên îtila`atî û bi nav çandî û ewlehiyê hewil dane, û didin ku pirrengîtiya zarawa û binzarawa û rengîniya deverên curbicur ên Kurd û Kurdistanê bikine hêvênê parçe-parçekirina Kurdan. Herweha pirrçandîtî û pirrayîn û mesebiya li nav neteweya kurd de jî bikine hêvinê dubendî û netifaqiya li nav wî gelî de, û bi peyrewkirina vê siyaseta dujminkarane, bi ser kurdan de zal bin.

Siyasetek din ya wan jî eva bûye ku çiqas dem û dezgehên serkutkar hebûne, lê bi xapandin, fend û fêl û çewaşekariyan ve hewl dane ku di nav bîr û raya xelkê Îran û cîhanê de wusa nîşan bidin, ku wê rejîmê pêgehek civakî û xelkî heye û serbarê hemû pirsgirêk û astengiyan, xelkê Îranê hêj rejîmê ji her alternatîveke din bêtir û guncawtir dizanin!!

Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!

Lê zêde nekêşa ku erdhejek bihêz a siyasî li Komara Îslamî xist, ku ew jî erdheja xelkê bû. Gelê Kurd bi hemû şiyan û karîna netewî ve daketin qada piratîkê de, û alîkarî ji bo hevneteweya xwe li gund û bajarên erdhejlêdayî kom kirin û nîştimana birîndar kevandin.

Di vê çarçoveyê de çi li nav neteweya Kurd, û çi di cihên din ên Îranê de, xelkê alîkariyên xwe nedane demûdezgehên rejîmê û bi eşkere ji wan re digotin ku baweriya me bi we tuneye, û hûn alîkariyên me didizin û bo meremên din bikar tînin.

Erdheja sirûştî li Kurdistanê xist, û qurbanî û kavilkarî li pey xwe re anî, lê kevandina van birînên Kurdistanê pirr dijwar nine, û Kurdistan dê bihêztir ji caran rabe ser xwe. Lê erdheja siyasî ku li Komara Îslamî xist, him pîlan û kompiloya qirêj a çendîn salî pûç kir, û neteweya Kurd jî wek yek neteweyê daket qadê, û him jî hemû çewaşekariyên rejîmê bûne bilqa ser avê û xelkê nîşan dan, ku rejîma Îranê ne tenê tu pêgeh û nifûzek di nav civakê de nine, heya baweriyê pê nakin, ku cotek pêlavan jî bidine dest demûdezgehên wê, û bixwe riya gehandina alîkariyan dane pêşberî xwe, daku hewcehî bi rejîmê nebin. Ev erdheja siyasî dê şeqarên nava rejîmê de kûr û firehtir bike. Çarenivîsa rejîmê jî dişibe Xaniyên Mêhr, û tab û bergeya erdhejek din nagrin.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 317 Dî wê hejmarê de:

-Dengê Rasana gelan nabihîzin
-Dengê pêngavên rojên pakane hesabê tê
-PDKÎ û Komelê daxuyaniyeke hevbeş belav kirin
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.
  • Pêşmercê serkevtinê, yekrêzî û pêkvebûn e Pêşmercê serkevtinê, yekrêzî û pêkvebûn e
    Bi xweşî ve ragehandina azad û bi taybetî torên civakî rejîm riswa kirin, ji aliyekî ve, diziyên wan li wan eşkere kirin, û ji aliyekî din ve bêpirensîpî û dijîkurdbûna Komara Îslamî bo bîrûraya giştî zêdetir eşkere kir.
  • Şikesta Kerkûkê dawiya rê nine! Şikesta Kerkûkê dawiya rê nine!
    Berî êrîşên DAÎŞ`ê bû ku Malikî hêza Îraqê bi fermandehiya Ebû El-emîr Zeydî şand da ku Kerkûk û Xaneqînê bigrin. Ji çend salan berî niha ve jî, bûdceya Hikûmeta Herêma Kurdistanê birîne, da ku bi zext û givaşa aborî ji navxwe ve biherife.
  • Erdheja siyasî Erdheja siyasî
    Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!
  • Şikesta Kerkûkê destpêka rabûneke din Şikesta Kerkûkê destpêka rabûneke din
    Dîrok hertim bi awayek ji awayan dubare dibe. Bûyera 25`ê Rezbera 1396`an (16.10.2017)`an rast bibîrhîner û dubarebûna dîrokê di cîhanê de, û bi taybetîtir ji bo neteweya Kurd bû.