• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-18 / 1396-10-28   

Pêşmerge sembola azadiyê

2017-12-21 / 1396/09/30 - 19:54 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Pêşmerge sembola azadiyê
Dara Natiq

Di nava her netewe û civakekê de, nifşek ji civakê weke sembola azadiyê li dijî zulm û dîktatorî û çewsandinê têne rêzgirtin. Di nava neteweya Kurd de jî, pêşmerge weke sembola azadî û berxwedana li dijî dagirkarî û dîktatorî û deshilata dijîgelî, xwedî rêz û nirxek taybet e. Fîdakarî, berxwedan û destanrêsiya pêşmerge derheq parastina nasnameya neteweyî û serbestiya Kurdistanê, wate û giraniyek xasmanî daye heybet û navê pêşmerge.

Nav, armanc û peyama azadî û aştîxwaziya pêşmerge, hertim bûye sedema tirs û xofek mezin di nava dilê dagîrkerên Kurdisatê û dijminên azadî û wekhevî û mirovatiyê. Dîroka berxwedan û serboriya neteweya Kurd ew yeke daye xuyakirin ku, heya zulm û zordarî û dagîrkarî bi ser Kurdistanê de bimeşe, xebat, berxwedan û cangorîtiya pêşmerge weke sembola azadî û parastina keramet û nasnameya neteweya Kurd yê hertim berdewam be.

Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.

Komara Îslamî a Îranê, yek ji dewletên dagîrker yên Kurdistanê û dijmnê azadî û mirovahiyê û sponserê sereke yê terorîzmê, bi dirêjahiya temenê deshilata xwe a dîktator, hertim di hewla jinavbirina nasnameya Kurd û tevgera azadîxwazî a Kurdistanê de bûye, û li ser pîlanên xwe yên hov û dijî mirovî li hember gelê Kurdistanê berdewam bûye. Lê serbarê vê siyaseta qirêj û dijminkarî a rejîmê, îradeya mafxwazî a neteweya me û xebata berheq a pêşmerge, weke kulek li ser dilê rayedarên Tehranê, tirs û xofek mezin xistiye nava koşka zordaran de.

Hereketa nû a pêşmerge bi navê koda “Rasan”ê di salên derbasbûyî de, serbarê piropagendeyên berdewam yên rejîmê li dijî tevgera Kurd û pêşmerge, lê cardin doza berheq a Kurd li Rojhilatê Kurdistanê, û zulm û zordarî û dagîrkariya rejîma dijîgelî a Îranê, xiste rojeva siyaseta herêmî û cîhanî, û bala tev dunyayê kişande ser pirsa Kurd. Li hemen demê de bandorek rasterast li ser liv û bizavên azadîxwazî di asta Îranê bi giştî de hebûye, û hikûmet û rewşa polîsî a Îranê xiste nav kirîzek kûrtir de. Ji aliyekî din ve jî da xuyakirin ku heya dagirkariya Komara Îslamî û milîtarîzekirina Kurdistanê bimîne, îradeya mafxwazî a gelê Kurd û tevgera rizgarî û xebata pêşmerge weke sembola berxwedan û azadiyê, wê hertim berdewam bibe.

Tevger û peyama nû a pêşmerge bi stratejiya pêkvegirêdana xebata çiya û bajar, karî cardin tev pêkhateyên Kurdistanê bi hemî tex û qatên curbicur yên civakê bixasmanî di nava bajaran de organîze bike, û di bin navê “Pêşmergeyên Bajar”, bi seheke şoreşvanî û neteweyî, li hember doza berheq a gelê xwe xwedî derkevin, û li dijî dagîrkariya rejîma Îranê, liv û tevgera xwe xurtir û bibandortir bikin.

Xebata pêşmerge di çarçoveya stratejiya bi navê “Rasan”ê, û bi rêberiya PDKÎ, hêvî û moralek mezin di nava civaka azadîxwaz a Kurdistanê de çêkir, û bandorek rasterast li ser jêhelbirina seha neteweyî û şoreşvanî a gelê Kurd û yekrêziya niştîmanî û welatparêziyê danî. Meşa nerazîbûna xelkê Kurdistanê li hember kuştina kasibkaran, û liv û tevger, û govenda sertaserî a Kurdistana Rojhilat di newroza îsal a bi navê “Camane”, û şahiya referandoma serbixwebûna Kurdistana Başûr, serbarê rewşa emniyetî û milîtarîzekirina Kurdistanê, gewahyarê bandora hereketa pêşmerge, û asta hişyariya civaka kurdistanê baştir didin xuyakirin.

Ji hemiyan girîngtir, di dema erdheja Kirmaşanê û malwêraniya xelkê Kurd di vê deverê de, û bihawardeneçûn û piştguhxistina wî xelkî, ji aliyê rejîmê ve, xelkê Kurdistanê ji Makûyê heya Îlamê li tev gund û bajarên Kurdistanê bi komkirina harîkariyan bi hewara birayên xwe yên Kurd li Kirmaşanê de çûn, û bi yeketî û yekrîziya xwe ya nîştimanî û neteweyî, bersivek tund dane siyaseta şovenîstî û dijîmirovî a rejîma Îranê. Lewma xuya dibe ku xebata pêşmerge û stratejiya hereketa “Rasan”ê, bingeha xebata neteweyî û yekrîziya nîştimanî di Rojhilata Kurdistanê de bihêztir û xurtir kirye, û kariye tevgera Kurd bi giştî li hemberî dagîrkariya rejîma Îranê, de organîzetir bike.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 317 Dî wê hejmarê de:

-Dengê Rasana gelan nabihîzin
-Dengê pêngavên rojên pakane hesabê tê
-PDKÎ û Komelê daxuyaniyeke hevbeş belav kirin
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.
  • Pêşmercê serkevtinê, yekrêzî û pêkvebûn e Pêşmercê serkevtinê, yekrêzî û pêkvebûn e
    Bi xweşî ve ragehandina azad û bi taybetî torên civakî rejîm riswa kirin, ji aliyekî ve, diziyên wan li wan eşkere kirin, û ji aliyekî din ve bêpirensîpî û dijîkurdbûna Komara Îslamî bo bîrûraya giştî zêdetir eşkere kir.
  • Şikesta Kerkûkê dawiya rê nine! Şikesta Kerkûkê dawiya rê nine!
    Berî êrîşên DAÎŞ`ê bû ku Malikî hêza Îraqê bi fermandehiya Ebû El-emîr Zeydî şand da ku Kerkûk û Xaneqînê bigrin. Ji çend salan berî niha ve jî, bûdceya Hikûmeta Herêma Kurdistanê birîne, da ku bi zext û givaşa aborî ji navxwe ve biherife.
  • Erdheja siyasî Erdheja siyasî
    Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!
  • Şikesta Kerkûkê destpêka rabûneke din Şikesta Kerkûkê destpêka rabûneke din
    Dîrok hertim bi awayek ji awayan dubare dibe. Bûyera 25`ê Rezbera 1396`an (16.10.2017)`an rast bibîrhîner û dubarebûna dîrokê di cîhanê de, û bi taybetîtir ji bo neteweya Kurd bû.