Kurdistanmedia

Malpera Navendî a Partiya Demokrat Kurdistana Îranê

Bila cîhan alîkariya xelkê Îranê bike

19:41 - 9 Kanûna Paşîn 2018

Kurdistanmedia: Du Sinatorên payebilind yên Amerîkayê ji dewleta Tramp daxwaz kirine, da ku hewlê bide ji bo vê ku hemû cîhan dengê xelkê Îranê bibihîze.

Sinatorê Komarîxwaz yê bi navê “Marco Rubio” û sinatorê Demokratxwaz yê bi navê “Bob Mendes”, di nameyekê de ji bo Wezîrê Karûbarên Derve yê Amerîkayê, “Rex W. Tillerson” û Wezîrê Xêzînedariyê “Istyon Minshin” daxwaz kirine, da ku welatê Amerîkayê alîkariya kompaniyên teknolojiyê yên pêşkevtî bikin, ji bo garantîkirina rêçareyên destpêragihîştina xelkê nerazî yên Îranê bi wan kerestane, û bikarên dengê xwe bigehînin cîhanê.

Di vê nameyê de hatiye ku: Ev nameya derheqê piştevanîkirin û alîkarîdan ji xelkekî re ye, ku bi awayê aştiyane hatine ser şeqaman û daxwaza mafên destpêkî yên xwe û jiyaneke baş ji bo xwe û malbatên xwe kirine, lê belê bi sebeba sansor û qutkirina hêla întêrnêtê û nebûna torên cihê bawerî pê anînê, wan nekarîne dengê xwe bigehînin hemû cîhanê, bo piştevanîkirina cîhanê ji wan.

Di vê nameyê hatiye: Li gora raporan, kompaniyayên karûbarê fenî şiyana vê yekê hene ku alîkarê xelkê Îranê bin, lê belê eva ji ber yasayên dorpêçan yên ku ji aliyê Amerîkayê ve bi ser Îranê de hatine sepandin, nikarin alîkariyan bikin.

Lewra em ji dewleta Tramp daxwaz dikin, bi alîkarîkirin digel wan kompaniyane, rêçareyekê ji bo destpêragiheştina xelkê Îranê bo wan kerestane peyda bikin, da ku bikarin hem baweriyê pê bikin, hem jî bi hêsanî şiyana pêwendîgirtinê hebin, û dengê xwe bigehînin hemû cîhanê. Bi hizra me eva gaveke mizin e ji bo garantîkirina mafê xelkê Îranê bona vê ku berdewam bin li ser meşên nerazîbûnan, û eşkerekirina daxwaên xwe.