Kurdistanmedia: Bi boneya 50.mîn salvegera şehîdkirina şehîd Îsma`îl Şerîfzade, û roja “xwendekarê Kurd”, çalakiyên teblîxî bi rê ve çûn.

Li gora nûçeya gihîştî malpera “Kurdistanmedia”yê, xwendekarên çepera xebat û azadiyê, derheq roja xwendekarê Kurd li zanîngeha Azad ya bajarê Merîwanê çalakiyên teblîxî bi rê ve birin.

50 salan berî niha û di roja 12`ê Banemera 1347`an de, şehîd Îsma`îl Şerîfzade ku xwendekarê endazyariya elekteronî ya zankoya Polî Teknînk ya bajarê Tehranê bû, piştî 18 mehan şerê qehremanane li dijî rejîma paşatiyê hate şehîdkirin.

Di dehka 40`î a Rojî de, ku rewşeke tund ya emniyetî bi ser tewahya Îranê de zal bû, û derfeta tu cure çalakiyeke siyasî di Îranê û bi taybetî zankoyan de tunebû, Îsma`îl Şerîfzade zanko û kursî bi cih dihêle, û rû li refên pêşmerge û PDKÎ dike.

Şehîd Îsma`îl Şerîfzade û hevalên wî di salên 1346-47`an a Rojî de, bo rizgariya neteweyî ya Kurd li dijî deshilata rejîma paşatiyê di Îranê de dest bi xebata çekdarî kirin, û piştî 18 mehan şerê qehremanane di roja 12`ê Banemerê de hatin şehîdkirin.

Yekîtiya Xwendekarên Demokrat ên Kurdistana Îranê, ew roj wekî roja Xwendekarê Kurd diyarî kiriye.

Her di vê derheqê de têkoşerên Demokrat li bajarê Bane de bona bîranîna şehîdên “Wêrdî” çalakiya teblîxî bi rê ve birin.