Kurdistanmedia

Malpera Navendî a Partiya Demokrat Kurdistana Îranê

29’mîn kongireya Ciwanên Enternasyonal - Sosyalîst bi beşdariya Yekîtiya Ciwanên Demokrat ên Kurdistana Îranê lidar ket

13:51 - 24 Nîsan 2012

Kurdistanmedia: Yekîtiya Ciwanên Demokrat Ên Kurdistana Îranê di 29’mîn kongireya Ciwanên Enternasyonal - Sosyalîst ku li welatê Paragoê birêve çû, beşdarî kir.

Li gor nûçeyê gihîştî malpera Kurdistanmedia, berwar 20’ê Nîsana 2012’an, 29’mîn kongireya Ciwanên Enternasyonal - Sosyalîst bi beşdariya nûnerên ciwanên welatên cîhanê û Serokwezîrê Paragoê, li jêr dirûşma “Cîhanek Hekhev Xewn Nine, Demokrasî û Dadperweriya Civakî bo Hemûyan e” li welatê Paragoê birêve çû.

Heyetek Yekîtiya Ciwanên Demokrat Ên Kurdistana Îranê bi serperestiya “Aştî Azerefşan” Endama Komîteya Birêveberî a Yekîtiya Ciwnaên Demokrat Ên Kurdistana Îranê û Berpirsa Pêwendiyên Dervey Welat, weke tenê saziya Kurdistana Îranê di vê kongireyê de ku du rojan berdewam bû, beşdarî kir.

Di 29’mîn kongireya Ciwanên Enternasyonal - Sosyalîst, peyma birêz “Fuad Xakîbeygî” Sekreterê Giştî yê Yekîtiya Ciwanên Demokrat Ên Kurdistana Îranê ji aliyê heyeta beşdar a Yekîtiya Ciwanan ve hat xwandin.

Di peyama han de tevî amajekirin bi rol û bandora ciwanên Enternasyonal - Sosyalîst, bal kişand ser ciwanên Rojhilata Kurditanê ku li jêr desthilata rejîma Îslamî a Îranê de rojane benikê sêdarê dike xelata ciwanên azadîxwaz û serberedayîbûna xwe bo cîhana azad û demokratîk derdixe.

Di vê kongireyê de weke kongireyên berê sebaret bi ciwanên Kurd û girîngîpêdana Yekîtiya Ciwanên Demokrat Ên Kurdistana Îranê bi vê qata civakê hat baskirin.

Saziya Ciwanên Sosyalîst ên Cîhanê, mezintirîn saziya cîhanî a taybet bi Ciwanan e ku 150 saziyên Ciwanên Sosyal Demokrat û Lîberal Demokrat ji xwe digre.

Ciwanên pêrtir ji 100 welatên cîhanê bi nûneratiya ciwanên welatên xwe di 29’mîn kongireya Ciwanên Enternasyonal - Sosyalîst de beşdar bûn.