په‌یامی‌ شوورای‌ كاتیی‌ ئیداره‌ی‌یه‌كه‌ی‌ شنۆی‌ RMMK به‌ بۆنه‌ی

یه‌كه‌مین ساڵیادی‌ رووداوه‌ خوێناوییه‌كانی‌ ئه‌و شاره‌وه‌

سه‌رچاوه‌: هه‌واڵنێرانی‌ RMMK
شوورای‌ كاتیی‌ ئیداره‌ی‌یه‌كه‌ی‌ شنۆی‌ RMMK له‌ په‌یامێك دا بۆ به‌رپرسانی‌ ده‌وڵه‌تی‌‌و كاربه‌ده‌ستانی‌ دادوه‌ری‌ رایگه‌یاند كه‌ ساڵێك پاش خۆپیشاندانی‌ خه‌ڵكی‌ شنۆ به‌ بۆنه‌ی‌ كوژرانی‌ لاوێكی‌ مه‌هابادی‌ به‌ناوی‌ شوانه‌ ئه‌سفه‌ره‌م‌و كوژران‌و برینداربوون چه‌ند كه‌س له‌ خه‌ڵكی‌ ئه‌و شاره‌ نه‌ ته‌نیا بكوژانی‌ خۆپیشانده‌ران نه‌ناسراون به‌ڵكوو ئه‌و كه‌سانه‌ش كه‌ ده‌ستبه‌سه‌ركرابوون

به‌ دانانی‌ بارمته‌ تا كاتی‌ دادگایی‌كردن ئازاد كراون. له‌ لایه‌كی‌ دیكه‌وه‌ دادگایی‌كردنی‌ نادادوه‌رانه‌‌و بێ‌به‌ڵگه‌و بێ‌ هه‌بوونی‌ پارێزه‌ر بۆته‌ هۆی‌ نیگه‌رانی‌.
شوورای‌ ناوبراو له‌ درێژه‌دا وێڕای‌ ده‌ربڕینی‌ هاوخه‌می‌ له‌گه‌ڵ‌ كه‌س‌و كاری‌ كوژراوه‌كان دا داوا له‌ به‌رپرسانی‌ ده‌وڵه‌تی‌‌و كاربه‌ده‌ستانی‌ ئه‌منییه‌تی‌‌و دادوه‌ری‌ ده‌كا كه‌ له‌سه‌ر ئه‌و رووداوه‌ دووباره‌ لێكۆڵینه‌وه‌ بكه‌ن‌و له‌ رێگه‌ی‌ دادگایی‌كردنی‌ عادڵانه‌وه‌ مه‌سه‌له‌كان تاوتوێ‌ بكه‌ن.