رێكخراوی‌ لێبوردنی‌ نێونه‌ته‌وه‌یی‌

مه‌رگی‌ ئه‌كبه‌ر محه‌ممه‌دی‌ له‌ به‌ندیخانه‌ی‌ كۆماری‌ ئیسلامی‌دا ده‌رخه‌ری‌ پێویستیی‌

ریفۆرمگه‌لی‌ خێرا له‌ سیستمی‌ دادوه‌ریی‌ كۆماری‌ ئیسلامی‌ دایه‌

سه‌رچاوه‌: رادیۆ فه‌ردا
رێكخراوی‌ لێبوردنی‌ نێونه‌ته‌وه‌یی‌ له‌ به‌یانیه‌یه‌ك دا به‌بۆنه‌ی‌ مه‌رگی‌ ئه‌كبه‌ر محه‌ممه‌دی‌ گوتی‌: مه‌رگی‌ ئه‌م به‌ندكراوه‌ سیاسییه‌ له‌ به‌ندیخانه‌ی‌ كۆماری‌ ئیسلامی‌دا ده‌رخه‌ری‌ پێویستیی‌ ریفۆرمگه‌لی‌ خێرا له‌ سیستمی‌ دادوه‌ریی‌ كۆماری‌ ئیسلامی‌ دایه‌. به‌یانیه‌كه‌ هه‌روه‌ها خوازیاری‌ توێكاری‌ ته‌رمی‌ ئه‌كبه‌ر محه‌ممه‌دی‌ له‌لایه‌ن پزیشكه‌ سه‌ربه‌خۆكانه‌وه‌ بوو. له‌ به‌یانیه‌كه‌دا هاتووه‌: "مه‌رگی‌ ئه‌كبه‌ر محه‌ممه‌دی‌ له‌ رێبه‌رانی‌ پێشووی‌ خوێندكاری‌

بۆته‌ هۆی‌ بێ‌هیویی‌ ته‌واو له‌ سیستمی‌ دادوه‌ریی‌ كۆماری‌ ئیسلامی‌. شكسته‌ یه‌ك له‌دوای‌ یه‌كه‌كانی‌ له‌ جێبه‌جێ‌كردنی‌ دادپه‌روه‌ری‌ سه‌باره‌ت به‌ ئه‌كبه‌ر محه‌ممه‌دی‌، ژیانی‌ ناوبراوو شه‌رافه‌تی‌ بنه‌ماڵه‌كه‌ی‌ به‌ تاڵان بردو ئێمه‌ نابێ‌ شایه‌تی‌ مه‌رگێكی‌ تر له‌ به‌ندیخانه‌كانی‌ ئێران دا بین".
لێبوردنی‌ نێونه‌ته‌وه‌یی‌ ئه‌و راپۆرتانه‌ی‌ كه‌ له‌سه‌ر ده‌رمانخواردكردنی‌ ئه‌كبه‌ر محه‌ممه‌دی‌ له‌لایه‌ن كاربه‌ده‌ستانی‌ پایه‌به‌رزی‌ ده‌وڵه‌تییه‌وه‌ بڵاوده‌كرێنه‌وه‌ به‌ وریاكه‌ره‌وه‌ زانی‌‌و گوتی‌: "ئیمكانی‌ هه‌یه‌ وه‌ها كرده‌وه‌یه‌ك بووبێته‌ هۆی‌ مه‌رگی‌ ناوبراو".