راپۆرتێك له‌سه‌ر پێشێلكارییه‌كانی‌ مافی‌ مرۆڤـ له‌ كوردستانی‌ ئێران له‌ چه‌ند مانگی‌ رابردوودا

حیزبی‌ دێموكراتی‌ كوردستانی‌ ئێران (نوێنه‌رایه‌تیی‌ ده‌ره‌وه‌ی‌ وڵات)
رێژه‌یه‌كی‌ به‌رچاو له‌ چالاكانی‌ به‌ندكراو له‌ ئێران دا

له‌ مانگی‌ ژولای‌ ساڵی‌ 2005ه‌وه‌ زیاتر له‌ 400 كورد له‌ سێداره‌ دراون، كوژراون، زیندانی‌ كراون‌و یان به‌زۆر جه‌ریمه‌ كراون، جگه‌ له‌وه‌یش زیاتر له‌ 1700 كه‌س به‌هۆی‌ به‌شداری‌ له‌ خۆپیشاندانه‌كان دا ده‌ستگیركراون‌و سزای‌ جۆراوجۆریان به‌سه‌ردا سه‌پێنراوه‌.
رێژه‌یه‌ك له‌ چالاكانی‌ كوردو خه‌ڵكی‌ بێ‌تاوان له‌ ماوه‌ی‌ چه‌ند رۆژی‌ رابردوودا له‌لایه‌ن هێزه‌كانی‌ ئاسایشی‌ كۆماری‌ ئیسلامیی‌ ئێرانه‌وه‌ ده‌سگیركراون. كۆماری‌ ئیسلامی‌ ئیددیعا ده‌كات كه‌ گیراوه‌كان پێوه‌ندییان له‌گه‌ڵ‌ گرووپه‌ سیاسییه‌ كورده‌كانی‌ كوردستانی‌ ئێران هه‌یه‌.
له‌سه‌رده‌می‌ هاتنه‌ سه‌ركاری‌ "مه‌حموود ئه‌حمه‌دی‌نژاد"وه‌ك سه‌ركۆماری‌ ئێران بارودۆخی‌ كوردستانی‌ ئێران گۆڕدراوه‌و میلیشیاكان‌و "پلیس مخفی‌" رۆڵ‌ ده‌گێڕن‌و چالاكانی‌ سیاسی‌‌و مه‌ده‌نی‌ ده‌گرن‌و ته‌قه‌ له‌ خه‌ڵكی‌ بێ‌تاوان ده‌كه‌ن.
توندوتیژی‌ به‌رده‌وام به‌ دژی‌ مافی‌ مرۆڤـ له‌ كوردستانی‌ ئێران ئاكامی‌ كرده‌وه‌ی‌ چه‌ند ئه‌فسه‌رێك نیه‌، به‌ڵكوو ئه‌وه‌ ئاكامی‌ شێوازو سیاسه‌تی‌ به‌به‌رنامه‌ی‌ كۆماری‌ ئیسلامیی‌ ئێران به‌ دژی‌ گه‌لی‌ كورد‌و خه‌ڵكی‌ ئێرانه‌.
حیزبی‌ دێموكراتی‌ كوردستانی‌ ئێران له‌ كۆمه‌ڵگای‌ نێونه‌ته‌وه‌یی‌، نه‌ته‌وه‌یه‌كگرتووه‌كان، یه‌كیه‌تیی‌ ئورووپا، وڵاته‌ یه‌كگرتووه‌كانی‌ ئامریكا‌و رێكخراوه‌كانی‌ مافی‌ مرۆڤـ داوا ده‌كات كه‌ سه‌رنجێكی‌ تایبه‌ت بده‌نه‌ بارودۆخی‌ مافی‌ مرۆڤـ له‌ كوردستانی‌ ئێران‌و جیاوازیی‌ ئابووری‌‌و سیاسی‌‌و ده‌ستدرێژی‌ نیزامی‌ به‌ دژی‌ گه‌لی‌ كورد له‌ ئێران دا.
مه‌حكووم نه‌كردنی‌ شه‌ڕخوازیی‌ بێ‌كۆتایی‌ رێژیمی‌ ئێران هیواداریی‌ گه‌لی‌ كوردی‌ سه‌باره‌ت به‌ كۆمه‌ڵگای‌ نێونه‌ته‌وه‌یی‌ زۆر كه‌م كردۆته‌وه‌.

ناوی‌ تاوانباركراون له‌ ماوه‌ی‌ دوو حه‌وتووی‌ رابردوودا