چه‌ندین كرێكاری‌ كارخانه‌ی‌ "شاهۆ"ی‌ سنه‌ له‌سه‌ر كار ده‌ركران

18-02-1387

كوردستان میدیا: به‌رپرسانی‌ كارخانه‌ی‌ "شاهۆ"ی‌ سنه‌ له‌ مانگی‌ داهاتوودا سه‌رجه‌م كرێكاره‌ قه‌راردادییه‌كانی‌ خۆیان ده‌رده‌كه‌ن.
"ئێقباڵ‌ ره‌زایی‌"، چالاكی‌ كرێكاریی‌ له‌ كوردستاندا، وێڕای‌ راگه‌یاندنی‌ ئه‌م بابه‌ته‌ به‌ "ده‌ستڕه‌نج"ی‌ وت: به‌ ده‌ركردنی‌ كرێكارانی‌ قه‌راردادی‌، ژماره‌ی‌ كرێكاره‌كانی‌ كارخانه‌ی‌ شاهۆ ده‌بێته‌ كه‌متر له‌ 40 كه‌س.
به‌ وته‌ی‌ ره‌زایی‌، سه‌رده‌مێك زیاتر له‌ 500 كرێكار له‌م یه‌كه‌یه‌ی‌ "رستن‌و چنین"دا كاریان كردووه‌ به‌ڵام بڕیاره‌ ئه‌م یه‌كه‌ قه‌یران لێدراوه‌ له‌باتیی‌ به‌رهه‌مهێنانی‌ له‌ بواری‌ رستن‌و چنیندا، به‌ گۆڕینی‌ شێوه‌ی‌ به‌رهه‌می‌ كارخانه‌، ده‌ست به‌ به‌رهه‌مهێنانی‌ شۆكولات بكات.