له‌نێوچوونی‌ 20 هه‌زار ده‌رفه‌تی‌ كار له‌ پارێزگای‌ كوردستاندا

19-02-1387

كوردستان میدیا: وشكه‌ساڵیی‌ بێ‌وێنه‌ له‌ پارێزگای‌ كوردستاندا، زۆرتر له‌ 20 هه‌زار ده‌رفه‌تی‌ كاری‌ له‌ به‌شی‌ كشت‌و كاڵی‌ ئه‌م ناوچه‌یه‌دا له‌نێو بردووه‌. "ئێقباڵ‌ ره‌زایی‌" به‌ڕێوه‌به‌ری‌ "خانه‌ كاگر"ی‌ سنه‌ له‌م باره‌یه‌وه‌ به‌ سایتی‌ "ده‌ستڕه‌نج"ی‌ وت: وشكه‌ساڵی‌ به‌هۆی‌ نه‌بوونی‌ بارین‌و كه‌مبوونی‌ پاشه‌كه‌وتی‌ ئاوی‌ ژێرزه‌وینی‌ كێشه‌ی‌ له‌ به‌رده‌م زیاتر له‌ 40 هه‌زار جووتیاری‌ ناوچه‌ جۆراوجۆره‌كانی‌ ئه‌م پارێزگایه‌دا درووست كردووه‌، بۆ ئه‌نجامدانی‌ كاری‌ كشت‌و كاڵ‌‌و دروێنه‌ی‌ به‌رهه‌مه‌ كشت‌و كاڵییه‌كان.
ناوبراو هه‌روه‌ها گوتی‌: چالاكیی‌ كشت‌و كاڵی‌ تا رێژه‌ی‌ نیوی‌ ئاستی‌ جاران دابه‌زیوه‌‌و كه‌مبوونی‌ به‌رهه‌مه‌ كشت‌و كاڵییه‌كان وه‌ك گه‌نم، جۆ، نۆك، سێوه‌زه‌مینی‌، بیبار، كاڵه‌ك‌و شووتی‌ بۆته‌ هۆی‌ گرانیی‌ ئه‌و به‌رهه‌مانه‌‌و له‌ ئاكامدا به‌رزبوونه‌وه‌ی‌ هه‌رچی‌ زیاتری‌ نرخی‌ هه‌ڵاواسانی‌ ئابووری‌.