كاوه‌ قاسمیی‌ كرمانشاهی‌، چالاكی‌ مافه‌كانی‌ مرۆڤ ده‌ستبه‌سه‌ر كرا

15-11-1388

كوردستان میدیا: هێزه‌ ئه‌منییه‌تییه‌كانی‌ كرماشان، به‌یانیی‌ رۆژی‌ چوارشه‌ممه‌، 14ی‌ رێبه‌ندان، هێرشیان كرده‌ سه‌ر ماڵی‌ كاوه‌ قاسمیی‌ كرمانشاهی‌، چالاكی‌ مافه‌كانی‌ مرۆڤ‌و ناوبراویان ده‌ستبه‌سه‌ر كرد. به‌پێی‌ راپۆرتی‌ ماڵپه‌ڕی‌ "تغیر برای‌ برابری‌"، حه‌وت كه‌س له‌ هێزه‌ لیباس شه‌خسییه‌كان به‌ پێی‌ حوكمێك كه‌ به‌ وته‌ی‌ بنه‌ماڵه‌ی‌ كاوه‌ قاسمیی‌ كرمانشاهی‌ روون نه‌بوو له‌ لایه‌ن چ ئۆرگانێك‌و به‌ چ مه‌به‌ستێكه‌وه‌ ده‌ر كراوه‌، چوونه‌ ماڵی‌ ناوبراو و پاش پشكنینی‌ ته‌واوی‌ ماڵه‌كه‌ی‌‌و ده‌ستبه‌سه‌رداگرتنی‌ كامپیوتێر، كه‌ره‌سته‌ی‌ تایبه‌ت‌و نووسراوه‌كانی‌، ناوبراویان ده‌ستبه‌سه‌رو بۆ شوێنێكی‌ ناڕوون به‌ڕێ‌ كرد.
كاوه‌ قاسمیی‌ كرمانشاهی‌، رۆژنامه‌وان، هه‌واڵنێری‌ هه‌واڵده‌ری‌ چاودێری‌ مافه‌كانی‌ مرۆڤی‌ كوردستان، ئه‌ندامی‌ كه‌مپه‌ینی‌ یه‌ك میلیۆن واژۆ له‌ كرماشاندا، ئه‌ندامی‌ ئه‌نجومه‌نی‌ هه‌ڵوه‌شاوه‌ی‌ ژیارو هه‌روه‌ها ئه‌ندامی‌ رێكخراوی‌ ئه‌دواری‌ ته‌حكیمی‌ وه‌حده‌ته‌.