دادگای‌ گشتیی‌ ئانكارا لێپرسینه‌وه‌ی‌ له‌ BDP كرد

15-11-1388

كوردستان میدیا: دادستانی‌ گشتیی‌ ئانكارا له‌ سه‌ر كونگره‌ی‌ یه‌كه‌می‌ پارتی‌ ئاشتی‌‌و دێموكراسی‌(BDP) له‌ كوردستانی‌ توركیه‌دا ده‌ستی‌ به‌ لێپرسینه‌وه‌ كرد.
رادیۆ فه‌ردا، له‌ زار رۆژنامه‌ی‌ رادیكاڵه‌وه‌ رایگه‌یاند، دادستانی‌ گشتیی‌ شاری‌ ئانكارا سه‌باره‌ت به‌ یه‌كه‌مین كونگره‌ی‌ نائاسایی‌ پارتی‌ ئاشتی‌‌و دێموكراسی‌ به‌ تۆمه‌تی‌ "ساردكردنه‌وه‌ی‌ خه‌ڵك له‌ سه‌ربازیكردن"،"پێشێلكردنی‌ یاسای‌ پارته‌

سیاسییه‌كان"و"ستایشكردنی‌ په‌كه‌كه‌و سه‌ركرده‌كه‌ی‌" ده‌ستی‌ به‌ لێپرسینه‌وه‌ له‌و پارته‌ كرد.
له‌ چوارچێوه‌ی‌ ئه‌و لێپرسینه‌وه‌یه‌دا ده‌زگا ئه‌منییه‌تییه‌ پێوه‌ندیداره‌كان داوای‌ به‌ڵگه‌و فایله‌كانی‌ ئه‌و كونگره‌یه‌یان كردووه‌.
شایانی‌ باسه‌ كونگره‌ی‌ یه‌كه‌می‌ پارتی‌ ئاشتی‌‌و دێموكراسی‌ (BDP)، رۆژی‌ دووشه‌ممه‌، 12ی‌ رێبه‌ندان، له‌ ئانكارادا به‌رشێوه‌ چوو و سه‌لاحه‌دین ده‌میرتاش‌و گوڵتان كیشاناك وه‌ك هاوسه‌رۆكی‌ ئه‌و پارته‌ هه‌ڵ‌ بژێردران.