خوێندكارێكی كورد به‌ شێوه‌ی كاتی ئازاد كرا

18-11-1388

كوردستان میدیا: پاش 81 روَژ به‌ندبوون و بێ سه‌رشوێنی ، ئیسماعیل قادری، خوێندكاری ده‌ستبه‌سه‌ركراوی كورد ئازاد كرا.
به‌ پێی راپۆرتی هه‌واڵده‌ری كوردستان، ئیسماعیل قادری ، روَژی 25ی خه‌زه‌ڵوه‌ری 88 ، له‌ گه‌ڵ شه‌ش خوێندكاری دیكه‌ی كورد له‌ كوَبوونه‌وه‌ی ناڕه‌زایه‌تیی خوێندكارانی كورد دژی له‌ سێداره‌دانی چالاكانی سیاسی له‌ كوردستاندا ، قوَڵبه‌ست و راپێچی به‌ندی 209ی به‌ندیخانه‌ی ئێوینی تاران كرا.
ناوبراو دوێنی شه‌ممه‌، رێكه‌وتی 17ی رێبه‌ندان پاش 81 روَژ ئه‌شكه‌نجه‌و راگیران له‌ ژووری تاكه‌كه‌سیدا به‌ دانانی گره‌وێكی 50 میلیوَن تمه‌نی به‌ شێوه‌یه‌كی كاتی ئازاد كرا.
شایانی باسه‌ كه‌ بڕیار بووه‌ دوێنێ كچه‌ خوێندكاری كورد ، سروه‌ وه‌یسیش به‌ دانانی گره‌و ئازاد بكرێ به‌ڵام به‌رپرسانی ئه‌منییه‌تیی رێژیم پێشیان له‌ ئازادبوونی ناوبراو گرت.