بریندار بوونی‌ كاسبكارێك‌و ده‌ستبه‌سه‌ر بوونی‌ پێنج كه‌سی‌ دیكه‌ له‌ ناوچه‌ی‌ مه‌ریواندا

19-11-1388

كوردستان میدیا: هێزه‌كانی‌ رێژیم، شه‌وی‌ 17ی‌ رێبه‌ندان، كۆمه‌ڵێك كاسبكاریان له‌ ناوچه‌ی‌ مه‌ریواندا دایه‌به‌ر ده‌ستڕێژ.
هه‌واڵده‌ری‌ كوردستان، له‌م پێوه‌ندییه‌دا رایگه‌یاند، به‌هۆی‌ ئه‌و ده‌ستڕێژه‌وه‌، كاسبكارێك به‌ناوی‌ "مه‌سعوود رووه‌"، خه‌ڵكی‌ گوندی‌ كانی‌ سانان، بریندار بوو. ناوبراو هه‌نووكه‌ له‌ نه‌خۆشخانه‌ی‌ مه‌ریوان له‌ ژێر چاودێریی‌ پزیشكی‌ دایه‌. ئه‌و هێزانه‌ هه‌روه‌ها پێنج كاسبكاریان له‌و كۆمه‌ڵه‌ كه‌سه‌ ده‌ستبه‌سه‌ر كرد.
شایانی‌ باسه‌ چاره‌نووسی‌ ئه‌و پێنج كه‌سه‌ تا كاتی‌ گه‌یشتنی‌ ئه‌م هه‌واڵه‌ روون نیه‌.