شكاندنی‌ سێڵی‌ ماهواره‌ له‌ گوندێكی‌ ورمێدا له‌ لایه‌ن هێزه‌كانی‌ رێژیمه‌وه‌

19-11-1388

كوردستان میدیا: كۆمه‌ڵێك له‌ به‌كرێگیراوانی‌ رێژیم، ئێواره‌ی‌ رۆژی‌ پێنجشه‌ممه‌، رێكه‌وتی‌ 15ی‌ رێبه‌ندان، به‌ مه‌به‌ستی‌ ده‌ستبه‌سه‌رداگرتنی‌ ده‌زگای‌ ماهواره‌ هێرشیان كرده‌ سه‌ر گوندی‌ "ده‌لوو" له‌ ناوچه‌ی‌ دۆڵی‌ ورمێدا.
هه‌واڵده‌ری‌ كوردستان، له‌م پێوه‌ندییه‌دا رایگه‌یاند، ئه‌و هێزانه‌ سێڵی‌ ماهواره‌كانی‌ خه‌ڵكی‌ گونده‌كه‌یان شكاندو له‌ نێو گونده‌كه‌دا ده‌ستڕێژیی‌ هه‌واییان كرد. ئه‌و كرده‌وه‌یه‌ی‌ هێزه‌كانی‌ رێژیم بووه‌ هۆی‌ ترس‌و دڵه‌ڕاوكێی‌ خه‌ڵكی‌ گونده‌كه‌.