به‌ندكراوێكی‌ سیاسیی‌ به‌ ئێعدام مه‌حكوومكراوی‌ كورد بۆ ژووری‌ تاكه‌كه‌سی به‌ڕێ كرا

19-11-1388

كوردستان میدیا: به‌ندكراوێكی‌ سیاسیی‌ به‌ ئێعدام مه‌حكوومكراوی‌ كورد به‌ ناوی‌ حوسێن خزری‌، شه‌وی‌ 17ی‌ رێبه‌ندان، بۆ ژووری‌ تاكه‌سیی‌ به‌ندیخانه‌ی‌ ورمێ‌ به‌ڕێ‌ كراو تا ئێستا هه‌واڵێك له‌ چاره‌نووسی‌ ناوبراو له‌به‌رده‌ستدا نیه‌.
هه‌واڵده‌ریی‌ هه‌رانا، وێڕای‌ بڵاوكردنه‌وه‌ی‌ ئه‌م هه‌واڵه‌ وتی‌، به‌رپرسانی‌ به‌ندیخانه‌ی‌ ورمێ‌ رایگه‌یاندووه‌ كه‌ حوسێن خزری‌ له‌ به‌ره‌به‌ری‌ به‌ڕێوه‌ چوونی‌ حوكمه‌كه‌ی‌ دایه‌.
شایانی‌ باسه‌ حوسێن خزری‌، دانیشتووی‌ ورمێ‌، به‌ تۆمه‌تی‌ ته‌بلیغ دژی‌ رێژیم‌و هاوكاری‌ له‌گه‌ڵ‌ حیزبێكی‌ كوردستانی‌، له‌ رێكه‌وتی‌ 21ی‌ جۆزه‌ردانی‌ ئه‌مساڵدا له‌ لایه‌ن لقی‌ یه‌كی‌ دادگای‌ شۆڕشی‌ ورمێوه‌ به‌ ئێعدام مه‌حكووم كرا. ئه‌و حوكمه‌ له‌ دادگای‌ پێداچوونه‌وه‌ی‌ ئوستاندا په‌سند كراوه‌.