رۆژنامه‌ی‌ "ندای‌ جامعه‌" له‌گه‌ڵ‌ مه‌ترسیی‌ داخراندا به‌ره‌وڕووه‌

20-11-1388

كوردستان میدیا: رۆژنامه‌ی‌ "ندای‌ جامعه‌"و چه‌ند بڵاوكراوه‌ی‌ دیكه‌ له‌ ئوستانی‌ كرماشاندا له‌وانه‌ بڵاوكراوه‌ خوێندكارییه‌كانی‌ زانكۆی‌ رازیی‌ كرماشان له‌گه‌ڵ‌ مه‌ترسیی‌ داخراندا به‌ره‌وڕوون.
ماڵپه‌ڕی‌ روودا ونێت، وێڕای‌ راگه‌یاندنی‌ ئه‌م هه‌واڵه‌، نووسی‌: رۆژنامه‌ی‌ "ندای‌ جامعه‌" به‌هۆی‌ ئه‌وه‌ی‌ كه‌ له‌ دوا ژماره‌ی‌ خۆیدا بابه‌تێكی‌ له‌ ژێر ناوی‌"پێداچوونه‌وه‌ به‌ حوكمی‌ له‌سێداره‌داندا بكه‌ن" چاپ كردبوو، سه‌ركۆنه‌ كراو دوای‌ چه‌ند جار سه‌ركۆنه‌كران له‌ ماوه‌ی‌ چه‌ند مانگی‌ رابردوودا، ئێستا له‌گه‌ڵ‌ مه‌ترسیی‌ داخستندا به‌ره‌وڕووه‌.
به‌ پێی‌ سه‌رچاوه‌كه‌ "ندای‌ جامعه‌" به‌ خاوه‌ن ئیمتیازیی‌ نووشین محه‌ممه‌دی‌‌و سه‌رنووسه‌ریی‌ ره‌زا جه‌مشیدی‌ له‌ دوو ئوستانی‌ كرماشان‌و كوردستاندا چاپ‌و بڵاو ده‌بێته‌وه‌.