كوژران‌و برینداربوونی‌ دوو كه‌س له‌ سنووری‌ بانه‌

17-12-1388

كوردستان میدیا: به‌ پێی‌ راپۆرتی‌ هه‌واڵده‌ری‌ كوردستان، سه‌رله‌ به‌یانی‌ رۆژی‌ شه‌ممه‌، 16ی‌ ره‌شه‌ممه‌، هێزه‌ چه‌كداره‌كانی‌ رێژیم له‌ شوێنێك به‌ ناوی‌ دووپلووسكان له‌ نزیك گوندی‌ سه‌یرانبه‌ن، ده‌ستڕێژیان له‌ كۆڵبه‌رانی‌ ناوچه‌ی‌ بانه كرد‌و له‌ ئاكامی‌ ئه‌و ده‌ستڕێژه‌دا كه‌سێك به‌ناوی‌ كاروان عه‌زیزی‌ خه‌ڵكی‌ "كێبلی"‌، كوژراو كه‌سێكی‌ دیكه‌ش به‌ ناوی‌ غه‌ریبب، خه‌ڵكی‌ به‌یانده‌ره‌ی‌ ناوچه‌ی‌ بابۆسی‌ بانه‌، به‌ توندی‌ بریندار بوو.
سه‌رچاوه‌ی‌ ناوبراو هه‌روه‌ها رایگه‌یاند، تا كاتی‌ ئاماده‌كردنی‌ ئه‌م هه‌واڵه‌ قوربانیيانی‌ ئه‌و ده‌ستڕێژه‌ی‌ هێزه‌ چه‌كداره‌كانی‌ رێژیم له‌ نه‌خۆشخانه‌ی‌ بانه‌ راگیراون‌و زیاتر له‌ دوو كه‌س بۆ وه‌رگرتنه‌وه‌ی‌ ته‌رمی‌ كوژراوه‌كه‌ له‌به‌رده‌م ئه‌و نه‌خۆشخانه‌یه‌ كۆبوونه‌ته‌وه‌.