هاووڵاتییه‌كی‌ كورد ده‌ستبه‌سه‌رو به‌ دانانی‌ بارمته‌ ئازاد كرا

18-12-1388

كوردستان میدیا: كه‌سێك به‌ ناوی‌ ئه‌میر فه‌ره‌جی‌، خه‌ڵكی‌ گوندی‌ "كێله‌كه‌وه‌"ی‌ دیوانده‌ره‌، رۆژی‌ سێشه‌ممه‌، 4ی‌ ره‌شه‌مه‌، له‌ لایه‌ن هێزه‌ ئیتلاعاتییه‌كانه‌وه‌ ده‌ستبه‌سه‌رو رۆژی‌ پێنجشه‌ممه‌، 6ی‌ ره‌شه‌مه‌، به‌ دانانی‌ بارمته‌ی‌ 20 میلیۆن تمه‌نی‌ ئازاد كرا.
هه‌واڵده‌ریی‌ كوردستان، وێڕای‌ راگه‌یاندنی‌ ئه‌م هه‌واڵه‌ وتی‌: ئه‌و هێزانه‌ له‌ كاتی‌ ده‌ستبه‌سه‌ركردنی‌ ئه‌میر فه‌ره‌جیدا ماڵه‌كه‌یان پشكنیوه‌. ناوبراو رۆژانی‌ سێشه‌ممه‌‌و چوارشه‌ممه‌، له‌ ده‌ستبه‌سه‌رگه‌ی‌ ئیداره‌ی‌ ئیتلاعاتی‌ دیوانده‌ره‌دا بووه‌‌و دواتر بۆ به‌ندیخانه‌ی‌ بیجاڕ به‌ڕێ‌ كرابوو.
شایانی‌ باسه‌ ئه‌میر فه‌ره‌جی‌ به‌ تۆمه‌تی‌ چالاكیی‌ به‌ قازانجی‌ حیزبێكی‌ كوردی‌ دژبه‌ری‌ رێژیم ده‌ستبه‌سه‌ر كرابوو.