چالاكێكی‌ سیاسیی‌ كورد به‌ زیندان مه‌حكووم كرا

19-12-1388

كوردستان میدیا: چالاكێكی‌ سیاسی‌ كورد به‌ ناوی‌ ئه‌حمه‌د مه‌حموودی‌، خه‌ڵكی‌ سه‌قز، ماوه‌یه‌ك له‌مه‌وپێش، له‌ لایه‌ن لقی‌ یه‌كی‌ دادگای‌ شۆڕشی‌ ئه‌و شاره‌وه‌ به‌ زیندان مه‌حكووم كرا.
ئاژانسی‌ خه‌به‌ریی‌ موكریان، وێڕای‌ راگه‌یاندنی‌ ئه‌م هه‌واڵه‌ وتی‌: ئه‌حمه‌د مه‌حموودی‌ له‌ كۆتایی‌‍یه‌كانی‌ ساڵی‌ 87 دا ده‌ستبه‌سه‌رو پاش ماوه‌یه‌ك به‌ دانانی‌ بارمته‌ ئازاد كرابوو. ئه‌حمه‌د به‌ تۆمه‌تی‌ هاوكاری‌ له‌گه‌ڵ‌ حیزبه‌ دژبه‌ره‌كانی‌ رێژیمدا به‌ ساڵێك زیندان مه‌حكووم كرا كه‌ ئه‌و حوكمه‌ پاش ده‌ربڕینی‌ ناڕه‌زایه‌تیی‌ ناوبراو له‌ دادگای‌ پێداچوونه‌وه‌ی‌ ئوستاندا بۆ شه‌ش مانگ كه‌م كرایه‌وه‌.
ده‌وترێت ئه‌حمه‌د مه‌حموودی‌ رێبه‌ندانی‌ ئه‌مساڵ‌ بۆ به‌ڕێوه‌چوونی‌ حوكمه‌كه‌ی‌ بۆ به‌ندیخانه‌ی‌ سه‌قز به‌ڕێ‌ كراوه‌.