ئه‌ندامێكی‌ دێرینی‌ PDKI له‌ ناوچه‌ی‌ مه‌هاباددا كۆچی‌ دوایی‌ كرد

22-12-1388

كوردستان میدیا: تێكۆشه‌رێكی‌ دێرینی‌ PDKI به‌ناوی‌ محه‌ممه‌د ره‌سووڵیان، خه‌ڵكی‌ ناوچه‌ی‌ مه‌نگوڕایه‌تیی‌ مه‌هاباد رێكه‌وتی‌ 17ی‌ ره‌شه‌مه‌، كۆچی‌ دوایی‌ كرد.
هه‌واڵده‌ریی‌ كوردستان، وێڕای‌ راگه‌یاندنی‌ ئه‌م هه‌واڵه‌ وتی‌: كاك محه‌ممه‌د ره‌سووڵیان، له‌ دایكبووی‌ ساڵی‌ 1304ی‌ هه‌تاوی‌، له‌ راپه‌ڕینی‌ ساڵه‌كانی‌ 47ـ46 دا به‌شدار بوو. ناوبراو پاش ئه‌و راپه‌ڕینه‌ له‌ لایه‌ن ساواكی‌ رێژیمی‌ پاشایه‌تییه‌وه‌ ده‌ستبه‌ر كرابوو و به‌ هۆی‌ ئه‌شكه‌نجه‌ی‌ زۆری‌ ئه‌و هێزانه‌وه‌ چاوێك‌و گوێیه‌ك‌و لاقێكی‌ تووشی‌ پێكان ببوو. به‌ڵام كاك محه‌ممه‌د تا دوا هه‌ناسه‌ی‌ ژیانی‌ وه‌فادار به‌ رێبازی‌ حیزب‌و نه‌ته‌وه‌كه‌ی‌ مابۆوه‌.

حیزبی‌ دێموكراتی‌ كوردستان، به‌ بۆنه‌ی‌ كۆچی‌ دوای كاك محه‌ممه‌د ره‌سووڵیانه‌وه‌ سه‌ره‌خۆشی له‌ بنه‌ماڵه‌و كه‌سوكاری‌ ناوبراو ده‌كا. رۆحی‌ شادو رێگای‌ گه‌یشتن به‌ ئامانجه‌كانی‌ پڕ رێبوار بێت.