باوكی‌ به‌ندكراوێكی‌ سیاسیی‌ كوردی‌ به‌ ئێعدام مه‌حكوومكراو گیانی‌ له‌ده‌ست دا

22-12-1388

كوردستان میدیا: باوكی‌ حوسێن خزری‌، به‌ندكراوی‌ سیاسیی‌ كوردی‌ به‌ ئێعدام مه‌حكوومكراو، پاش بیستنی‌ هه‌واڵی‌ گواستنه‌وه‌ی‌ رۆڵه‌كه‌ی‌ بۆ ژووری‌ تاكه‌كه‌سی‌ به‌ مه‌به‌ستی‌ جێبه‌جێ‌ بوونی‌ حوكمه‌كه‌ی‌، گیانی‌ له‌ده‌ست دا.
ماڵپه‌ڕی‌ خه‌به‌ریی‌ "ایران پرس نیوز"، وێڕای‌ راگه‌یاندنی‌ ئه‌م هه‌واڵه‌، وتی‌: باوكی‌ حوسێن خزری‌ پاش بیستنی‌ ئه‌و هه‌واڵه‌ سه‌باره‌ت به‌ رۆڵه‌كه‌ی‌، تووشی‌ راوه‌ستانی‌ مێشكی‌ ببوو‌و رۆژی‌ دووشه‌ممه‌، رێكه‌وتی‌ 17ی‌ ره‌شه‌مه‌، له‌ نه‌خۆشخانه‌ی‌ خومه‌ینیی‌ ورمێ‌دا گیانی‌ له‌ده‌ست دا.
سه‌رچاوه‌كه‌ هه‌روه‌ها رایگه‌یاند: حوسێن خزری‌ به‌داوی‌ ئاگاداربوون له‌هه‌واڵی‌ مه‌رگی‌ باوكی‌، رایگه‌یاندووه‌ كه‌ مه‌رگی‌ باوكی‌ سروشتی‌ نه‌بووه‌و به‌ هۆی‌ ئه‌شكه‌نجه‌ی‌ ده‌روونیی‌ هێزه‌ ئیتلاعاتییه‌كانه‌وه‌، گیانی‌ له‌ده‌ست داوه‌.